Оюутнуудад тохиромжтой дэлхийн хотуудыг эрэмбэлжээ

Их, дээд сургуулийн оюутнуудад хамгийн тохиромжтой хотоор Лондон шалгарчээ. “QS” дээд боловсролын мэдээллийн шинжээч байгууллагаас гаргасан уг шалгаруулалтад шилдэг 30 хотыг эрэмбэлсэн байна. Урьд нь Монтреал болон Парис хотууд эхний байранд шалгарч байжээ.

Оюутнуудад ээлтэй хотыг шалгаруулахдаа тухайн орон нутгийн ажлын байрны зах зээл, соёл болоод амьдралын чанарын онцлог зэрэг хүчин зүйлсэд үндсэлсэн рейтингээр нь шилдэг их сургуулиудыг тодорхойлдог аж.

Гэвч Лондонгийн тухайд нэг үзүүлэлтээрээ хангалтгүй байдаг гэнэ. Их сургуулийн хотуудын рейтинг хүрээлэнгүүдийн чанараас илүү гэдгийг QS дээд боловсролын группийн хийсэн судалгаагаар батлагдсаныг Дэлхийн их сургуулиудын зэрэглэлд дурджээ.

Нийт 50,000 оюутныг хамруулсан энэхүү харьцуулсан судалгаа нь оюутнуудыг хамгийн ихээр татдаг болон оюутнуудын дургүй хотуудыг тодорхойлох зорилготой аж.

Соёлын нийслэл

Империал коллеж, Лондонгийн коллеж, Лондонгийн эдийн засгийн сургууль, Хааны коллеж гэгчлэн бусад хотуудтай харьцуулахад оюутнуудын хувьд Лондон бол дэлхийн хэмжээний сургуулиудын гол төвлөрөл юм.

Түүнчлэн оюутнуудад музей, театр, кино театр, зоогийн газар гэх мэт соёл, үйлчилгээний газрууд ихээхэн чухал аж. Мөн ажил олгогчидтой холбогдох, ажил олоход хамгийн таатай газарт тооцогдсон байна. Лондон нь олон талын ёс заншил, дадал хэвшлийг хүлээн зөвшөөрдөг учраас олон үндэстний хот гэгдэхийн хувьд рейтинг өндөртэй юм. Тиймээс гадны оюутнууд тус хотод тусгаарлагдсан, гадуурхагдсан мэт сэтгэгдэл төрдөггүй гэжээ.

Харин амьдрах өртөг, боломжийн тухайд Лондон нэлээд үнэтэй учир оюутнуудад өртөг өндөртэй аж. Гэсэн ч оюутнуудын хувьд суралцах хамгийн таатай хот хэвээр байгааг QS судалгаа хариуцсан захирал Бен Софтер мэдэгджээ.

Оюутнуудын амьдрах таатай хотуудын хоёрдугаарт Японы Токио хот багтсан билээ. Энэ нь аюулгүй байдал, амьдралын чанараараа дээгүүрт тооцогддог аж. Австрали улс гадны оюутнуудыг татан суралцуулах тал дээр онцгой анхаарал хандуулж байгаа энэ үед Мелбурн хот уг жагсаалтын гуравдгуаарт, Сидней хот 9 дэх байранд жагсчээ.