Намарс нь арьсны харшилт үрэвсэл юм. Yрэвсэлд өртсен арьс хуурайшч улайсан байх бөгөөд маш их загатнана. Намарс нь арьсны харшилт үрэвсэл юм. Yрэвсэлд өртсен арьс хуурайшч улайсан байх бөгөөд маш их загатнана. Зарим үед энэ хэсэг ь шүүсэрхэг тавшсан байдалтай байна. Намарс нь хүүхдэд голдуу хөхүүл насанд нь илэрдэг. Ийм хүүхдийн нүүрээр тууралт гарна. Арай том хүүхдүүдэд өвдөг, гарын бугуй, тохой, шагайн хэсгийн арьсаар тууралт гардаг. Зарим хүүхэдийн бүх биеээр гардаг. Зарим хүүхдэд биеийн бүх хэсгээр тууралт арах нь ч бий. Заримдаа хүүхдийн арьсан дээрх өөрчлөлт үгүй болон эрүүл мэт болох боловч заримдаа дахин гарч ирдэг. Энэ нь уг өвчний үед гарах онцлог байдал болохоос таны арчилгаа муу байгаагаас шалтгаалж байгаа зүйл биш юм. Ихэнх хүүхдийн намарс зургаа хүртэлх насандаа бүрэн үгүй болдог. Гэвч цөөн хувьд нь насанд хүрсэн ч байсаар байдаг. Намарс бол халдварт өвчин биш.
Намарсын шалтгаан юу вэ?
Шалтгаан нь тодорхойгүй боловч эцэг эхийн талд харшлын эмгэгтэй гэсэн өгүүлэлтэй гэр бүлийн хүүхэд гуурсан хоолойн багтраа, намарс, ургамлын харшил ээрэг харшлын өвчнөөр өвддөг байна. Намарстай хүүхдүүд гуурсан хоолойн багтраа, ургамлын харшил өвчнөөр өвдөж болно.
Намарсыг сэдээгч олон тооны хүчин зүйлс байдгийг дурдвал гэрийн тоосны хачиг, ургамалын тоос, гэрийн тэжээвэр амьтад, хүнсний зүйлс, химийн нэгдлүүд, хувцасны материал зэрэг болно. Зарим хүүхэд өөр уур амьсгалтай бүсэд очсоноос намарсаар өвддөг байна.
Намарс ба бусад халдвар
• Намарсын тууралт нян ба вирусээр халдварлагдсанаас хүүхэд антибиотик эмчилгээ хийлгэх шаардлагатай болдог.
• Уруул дээр нь вирусын гаралтай цэврүүт тууралт гарсан хүн хүүхдээ үнсэж болохгүй.
Хүүхдийнхээ намарсыг яаж арчлах вэ?
Арьсыг нь цочроох зүйлсээс зайлсхий
• Хэт халууцуулахаас зайлсхийх, унтахад нь нимгэн хувцас өмсүүлж унтуулах
• Байнга усанд оруулж арьсыг нь хэт хуурайшуулахаас сэргийлэх, бүлээвтэр усанд 5 минутаас илүүгүй хугацаагаар оруулж чийгшүүлэгчээр чийгшүүлэх
• Ердийн саван, банны хөөс, халдваргүйжүүлэх уусмал хэрэглэхгүй байх
• Ширүүн хувцас, ширүүн материалтай цагаан хэрэглэл хэрэглэхээс зайлсхийх, байнга даавуун хувцас өмсгөх
• Маажиж уруулахаас сэргийлэх, хумсыг нь тогтмол авч байх, шаардлагатай бол бээлий өмсгөх
• Хөхөлт хэрэглэхгүй байх, шүлс, оолны үлдэгдэлийг амны орчим байлгахгүй хуурай байлгах, байнга арчиж цэвэрлэх
• Аль болох удаан хугацаагаар хөхөөр хооллох
• Чийгтэй цэвэрлэгээ хийж гэрийн тоосоо сайн арилгах
• Гэрээ сэрүүн байлгаж сайн агааржуулах
• Харшил үүсгэж болохоор цэвэрлэгч шингэнүүдийг хэрэглэхгүй байх
• Гэрийн тэжээвэр амьтадтай ойртуулахгүй байх
Олон нийтийн газар
• 100%-н цэвэр даавуугаар хуванцар сандалыг бүрэх
• Танхимд наран талд буюу халаагуурын хажууд суухгүй байх
Ямар эмчилгээ хийх вэ?
1. Чиигшүүлэгч: байнга хэрэглэх: Шаардлагатай хэмжээгээр чийгшүүлэгчийг байнга хэрэглэх нь чухал. Зарим хүүхдэд өдөрт нэг удаа заримд нь өдөрт хэд хэдэн удаа хэрэглэнэ. Арьсыг цэвэр байлгахын тулд савангийн оронд банны тос, чийгшүүлэгчийг ашиглавал үр дүнтэй. Ердийн чиигшүүлэгч тос нь 50%-н зөөлөн, 50% шингэн парафинаас тогтоно. Хүйтэн жин, чийгтэй боолтыг шөнө хэрэглэсэнээр халуун болон загатнааг бууруулж арьсыг чийгшүүлнэ.
2. Дааврын тосон түрхлэг: Эмчийн жороор тосон түрхлэгийг ашиглана. Арьс цочроогч зүйлсээс сэргийлэн тогтмол чиигшүүлэгч хэрэглэсэн ч улайлт ба загатнаа хэвээр байх тохиолдол байдаг. Ийм үед эмч дааврын тосон түрхлэгийг бичиж өгнө. Энэ нь хэвийн үед хүний биед ялгардаг даавар юм. Шүүдэст эмзэгшлийн үеийн арьсны үрэвсэлд зааврын дагуу энэ бэлдмэлийг анхааралтай хэрэглэвэл маш үр дүнтэй. Тухайлбал 1% Гидрокортизоны тосон түрхлэгийг нүүрэнд, 0,02% Бетаметазоны тосон түрхлэгийг биед түрхэнэ. Зарим тохиолдолд эмч өөр өөр тосон түрхлэгийг бичиж өгдөг. Учир нь хамгийн их үрэвссэн хэсгийн арьсанд арай хүчтэй үйлчилгээтэй, бусад хэсэгт зөөлөн үйлчилгээтэй тосон түрхлэг хэрэглэх шаардлага гардаг.
– Хүүхдийнхээ загатнах зовиурыг яаж багасгах вэ?
Загатнааны улмаас хүүхэд арьсаа маажиж гэмтээсэнээс хоёрдогчоор халдварлагдах нөхцөл болдог тул загатнааг багасгах ёстой. Хүүхдэдээ маажихаа боль гэж хэлэхиин оронд дараах зүйлсийг эцэг эхчүүд мөрдлөг болгоно:
• Их маажих үед нь анхааралыг нь сарниулах
• Хэт халууцуулахаас зайлсхийх ялангуяа унтах, машин тэргэнд явах үед нь
• Унтахын өмнө чийгшүүлэгч тос (хөргөгчинд хадгалж буй) түрхэх
• Унтлагын даавуун хувцас, бээлий өмсгөх
• Эмчийн бичиж өгсөн харшлын эсрэг бэлдмэлийг өгөх нь шөнийн цагаар загатнааг багасгана.
Нийтлэг асуултууд…
– Намарс бүрэн эмчлэгдэх үү?
Дээрхи зөвлөмжүүдийн дагуу намарсыг хүндрүүлэхгүй хянах боломжтой боловч бүрэн эдгэрүүлэхэд бэрхшээлтэй. Энэ нь огт эдгэрэхгүй гэсэн үг биш юм. Яагаад гэвэл зарим хүүхдүүд удаан хугацаагаар дааврын тосон түрхлэг хэрэглэж дэглэм баримтлах шаардлага гардаг.
– Хоолны дэглэм баримтлах нь хүүхдэд маань тустай юу?
Ховор тохиолдолд зарим хүүхдийн арьсаар тодорхой хүнсний зүйл хэрэглэсэний дараа тууралт гардаг. Хэрэв та ийм зүйлийг ажиглавал тэдгээр хүнсний зүйлийг хүүхдэдээ өгөхгүй байх нь зүйтэй.
– Хүүхэд маань товлолын дагуу дархлаажуулалтаа хийлгэх боломжтой юу?
Бараг бүх намарстай хүүхэд товлолын дагуу дархлаажуулалтаа хийлгэдэг. Мөн үүнд гэрт нь өндгөнд харшилтай хүн байдаг гэсэн өгүүлэлтэй хүүхдүүд ч багтана.
Санагтун!
• Намарсын улмаас хүүхдийн арьс хуурайшч, цочромтгой болно.
• Өдрөөс өдөрт тууралт өөрчлөгдөнө.
• Арьсыг нь цочроох зүйлсээс сэргийлнэ.
• Бүрэн төгс эмчилгээ байхгүй хүндрүүлэхгүй хянах боломжтой.
• Чийгшүүлэгч тогмтол хэрэглэнэ.
• Хүүхдийн арьсан дээрх тууралт сайжрахгүй хэвдээ байвал эмчдээ ханд.
• Бусад хүүхдүүдтэй адил намарстай хүүхдүүдийг товлолын дагуу дархлаажуулах
