![\"\"](http://undesten.mn/uploads/posts/2016-02/1454471872_img_5471-1024x682.jpg "\\"\\"")
–Засаг төр минь иймэрхүү бай шагналынхаа 5%-д нь ч болтугай оюуны спортын тамирчдаа дэмждэг болоосой доо. Жилдээ дунджаар олон улсын чанартай 10-аад тэмцээнд оролцдог байсан манай тамирчид санхүүгийн хүндрэлээс болоод энэ жил ердөө 3-хан л тэмцээнд оролцохоор боллоо. Бид нар энэ жил бэлтгэгдэн гарч ирж байгаа шинэ тамирчдаа олон улсад өрсөлдүүлэх боломжгүй болж байгаа юм. Улсынхаа rating-ээ алдахгүйн тулд хуучин тамирчдаа гол гурван тэмцээн болох Азийн аварга, Дэлхийн аварга, 4 жилд нэг удаа болдог MEMORIAD Mental Olympics буюу Оюуны олимпод л оролцуулахаар болсон.
Үнэхээр төрөөс системтэй дэмжлэг үзүүлэхгүй л бол ямар ч спорт тэгээд л дуусдаг юм шиг байна. Бид нар хуучин шигээ бор зүрхээрээ явцгаагаад цаашдаа хүчрэхгүй юм шиг байна.
Өнгөрсөн хугацаанд бид хамт олонтойгоо 35 олон улсын тэмцээнээс 484 медаль хүртэж, олон сайхан мастерууд төрүүлэн, дэлхийн олон дээд амжилтуудыг шинэчлэн тогтоож Монгол хүний үнэ цэнийг дэлхийд мэдрүүлсээр ирсэн.
Оюунлаг толгой л Монголыг хөгжүүлнэ гэж камерийн өмнө бүлт бүлт үсэрдэг томчууд маань бодит байдал дээр дэмжлэг хүсээд очиход өөдөөс эвтэйхнээр хэлбэл долоовор, дунд хурууныхаа завсраар эрхий хуруу л өгдөг юм даа.
Төрөөс биднийг заавал дэмжих албатай биш л дээ. Тиймээс бид уйлан дуугарахгүй ээ. Хамгийн гол нь аль ч салбарт хэн нэгэн аавын хүү, ээжийн охин эх орныхоо нэрийг олон улсад өндөрт өргөөд ирэхэд нь холбогдох хүмүүс нь ядаж уулзаад урмын үг хэлчихэж байгаасай. Хүн урмаар л цаашаа явна шүү дээ.
Миний хувьд одоо тамирчдаа бэлддэг, гадагшаа дотогшоо тэмцээн уралдаанд явдаг ажлаа орхиод өөр зүйлд төвлөрөх цаг маань болж байх шиг байна даа. Гэхдээ улс төр биш шүү.
Биеийн хүчний спорт, оюуны спорт хоёрыг ялгалгүй байвал зүгээрсэн. Оюуны спортоор хичээллэн дэлхийд нэрээ мандуулсан тамирчдыг ялгаварлан гадуурхсаар л. 6000 гаран бөх барилдаж геннист багтаж байсан монгол бөхөө дээдлэлгүй яахав. Гэхдээ XXI зуунд оюуны спортыг бөхөөсөө доогуур үнэлэхгүй ч гэсэн ядаж тэнцүү үнэлэхсэн дээ УЛС ТӨРЧДӨӨ гэжээ.
Эцэст нь гэж хэлэхэд, дуучин, бөхөөр Монгол Улс хөгжихгүй, Монгол хүний оюун ухаанаар л Монгол Улс хөгжинө. Өнөөдөр Монгол Улс дэлхийд хамгийн олон дуучин, бөхчүүдтэй улс байна, хүн амтай харьцуулахад шүү дээ. Нөгөө талаас хялбар аргаар их мөнгө олох гэсэн хүсэл эрмэлзэлтэй хүмүүс олон болсны нэг илрэл нь энэ гэлтэй.
Төгс
![\"\"](http://undesten.mn/uploads/posts/2016-02/1454471738_logo.jpg "\\"\\""){kind=logo}
