Улсын нэгдсэн төв эмнэлгийн Нээлттэй зүрхний халгалгаа хийж амь хохироосон асуудлаар гавьяат эмч Л.Жамбалжав өнөөдөр хэвлэлийн бага хурал хийж байр сууриа илэрхийллээ.Тэрбээр “Энэ сарын 21,23-ны өдрүүдэд Улсын нэгдүгээр төв эмнэлэгт 64 настай өвчтөн Д гэдэг эмэгтэйд гол судасны хавхлага суулгах мэс засал, 30 настай өвчтөн З гэдэг эмэгтэйд зүрхний тосгуур хоорондын таславчийн цоорхой нөхөх мэс заслыг хиймэл цусны эргэлтийн аппарат ашиглан мэс засал хийжээ. Хагалгааны үед 64 настай Д-гийн зүрхийг хиймлээр зогсоосны дараа сэргэлгүй мэс заслын ширээ нь дээрээ нас барсан байна. Харин хоёр дахь хагалгааны өвчтөн З-ийн тосгуурын таславчийн цоорхойд нөхөөс хийх хагалгааны дараа өвчтөний бие хүндэрч зүрх нь зогссон байна” гэлээ.
Уг хоёр хагалгааг хоёуланг нь Монгол Улсад зүрхний мэргэжлийн эмч нар хийдэг ердийн хагалгаа юм. Монгол Улс зүрхний мэс засал хийдэг болоод 50 гаруй жилийн туршлагатай төрийн шагнал авсан мэргэжлийн хамт олон байсаар байхад унтуулгийн эмчээр ахлуулсан зүрх шилжүүлэн суулгах баг гэдэс дотрын хагалгаа хийдэг газар ийм хагалгааг мэргэшсэн эмчгүй яагаад хийснийг гайхаж байгаагаа Л.Жамбалжав эмч хэллээ.
Мөн өвчтнийг нас барсны дараа үхлийн шалтгааныг задлан шинжилгээгээр нотлох ёстой ч ар гэрийнхэн хүсээгүй гэх шалтгаанаар ямар ч задлан шинжилгээний дүгнэлт байхгүй байгаа нь хууль зөрчсөн, алдаа дутагдлаа гэмт хэргийн нотлох баримтыг санаатай нуун дарагдуулсан гэж үзэж ч болохыг хэллээ.
Мөн тэрбээр Монгол Улс зүрх шилжүүлэн суулгах мэс заслыг нэвтрүүлэх нь зөв гэхдээ хүний амь хохироож болохгүй. Өвчтөн Д болон З нар хагалгааны өрөөнд хөлөөрөө орж ирсэн. Нэг нь 64 жил амьдарч нөгөөх нь гучхан жил хорвоод амьд явсан. Яагаад явуулын гадаад эмч нартай нийлээд, мэргэжлийн бус газар яаралтай мэс засал хийх ямар үндэслэл байгаа талаар, мэс засал хийх орчин нөхцөл бүрдсэн байсан уу? дутуу багажтай өөр эмнэлгээс зарим багажийг зөөж яаруу сандруу мэс засал хийх шаардлага байсан эсэх тал дээр анхаарах нь зөв. Хүнд өвчтэй хүн хагалгааны үед, хагалгааны дараа өвчтөн нас барах тохиолдол байдаг ч энэ хоёр тохиолдол хоёулаа эмч, эмнэлгийн үйл ажиллагаатай холбоотой гэж үзэж болно” гэлээ.
Л.Ганболд: Зүрхний мэс заслыг манай улсад мөрдөгдөж байгаа журам дүрмийг бүрэн баримталж хийсэн
Харин Улсын нэгдсэн төв эмнэлгээс зүрхний хагалгааны талаар мэдээлэл хийлээ. Улсын нэгдсэн төв эмнэлгийн эртхэн шилжүүлэн суулгах багийн гишүүн Л.Ганболд “ Улсын нэгдсэн төв эмнэлэг 2016 оноос Зүрхний мэс засал хийх төсөл хөтөлбөрийг хэрэгжүүлж эхэлсэн. Энэхүү хөтөлбөрийн хүрээнд эмч мэргэжилтнүүдийг бэлтгэж сургах ажлыг эхэлсэн. Улсын нэгдсэн төв эмнэглэг, Шастын нэрэмжит улсын нэгдсэн гуравдугаар эмнэлэг болон гадны зүрхний мэс заслын эмч нартай хамтарсан баг зүрхний хагалгааг хийсэн. Бид зүрхний мэс заслыг манай улсад мөрдөгдөж байгаа журам дүрмийг бүрэн баримталж хийсэн. Харамсалтай энэхүү мэс заслын эмчилгээ бидний хүссэн хүлээж байсан үр дүнд хүрээгүйд бид харамсаж байна” гэв.
Бид эмгэг судлалын шинжилгээнд орох шаардлагатай гэсэн хүсэлт гаргасан боловч ар гэрийнхэн зөвшөөрөөгүй
Улсын нэгдсэн төв эмнэлгийн эртхэн шилжүүлэн суулгах багийн гишүүн Л.Ганболдоос зарим зүйлийг тодрууллаа.
-Жамбалжав эмч мэс засал хийсэн эмч нарын буруутай гэж хэлж байсан. Яагаад та нарыг буруутгаад байгаа вэ?
-Жамбалжав эмчийн хэлж байгаа нь хувь хүний санал байх. Бид заримдаа онош эмчилгээн дээр санал зөрөлдөх зүйл гардаг. Яагаад биднийг буруутгаж байгааг Жамбалжав эмчээс асуугаарай.
-Гэмт буруугаа нуухын тулд задлан шинжилгээнд оруулаагүй гэж байсан. Энэ үнэн үү?
-Үйлчлүүлэгчийн ар гэрээс эмгэг судлын шинжилгээнд оруулахгүй байх саналыг тавьсан. 2017 оны эрүүл мэндийн сайдын 55 дугаар тушаалын 2.2 -т мэс ажилбар болон мэс засал хийсний дараа зайлшгүй орох заалттай. Мөн Эрүүл мэндийн сайдын 2013 оны 446 дугаар тушаалд эмнэлгийн мэргэжилтний ёсзүйн хэм хэмжээ буюу 3.17 -д тодорхой заасан байгаа. Энэхүү заалтад дээр ар гэрийн хүсэлтийг харгалзаж үздэг. Ар гэр хүсэлт тавьсан учраас бид хамтын шийдвэрээр эмгэг судлалын шинжилгээнд оруулаагүй. Бид эмгэг судлалын шинжилгээнд орох шаардлагатай гэсэн хүсэлт гаргасан боловч ар гэрийнхэн зөвшөөрөөгүй юм.
-Тухайн өвчтний биеийн байдал ямар байсан вэ. Халгаанд орж байхдаа нас барсан юм уу. Эсвэл халгааны дараа нас барсан юм уу?
-Хоёр өвчтөн халгаанд орсон. Нэг өвчтөн халгааны явцад биеийн байдал муудаж зүрх нь сэргэж өгөөгүй. Энэ хүндрэл маш ховор тохиолдог. Харин хоёр дахь өвчтөн хагалгаанаас гараад хагалгааны дараах зүрх судасны дутагдал хүндрэлд даамжирч нас барсан. Бид нээлттэй зүрхний халгалгаа хийсэн. Харин хэвлэл мэдээллийн хэрэгслээр “Зүрх шилжүүлнэ суулгах хагалгааг амжилтгүй боллоо” гэсэн худал ташаа мэдээлэл гарсан. Иймээс худал мэдээлэл гаргахгүй байхыг та бүхнээс хүсч байна.
-Энэхүү хагалгаанд туршлагагүй эмч нар оролцоогүй гэсэн асуудал яригдаад байгаа. Үүнд тайлбар өгөхгүй юу?
-Туршлагатай мэс заслын эмч нар оролцсон. Мэс засал Монгол улсад мөрдөгдөж байгаа журмын дагуу хийгдсэн.
– Хагалгаанд орсон хоёр өвчтэн танай эмнэлгийн хяналтад байсан уу. Эсвэл өөр эмнэлгийн хяналтад байсан уу?
-Манай зүрхний эмч нарын хяналтад байсан. Манай эмнэлэгт үе үе хэвтэн эмчлүүлдэг байсан. Талийгаач нар өөрсдөө мэс засал хийлгэх хүссэн байгаа.
