Хүй долоон худаг орчмын бэлчээрийг хамгаалах, уяач хүүхдүүд болон наадамчдын аюулгүй байдлыг хангах зорилготой “Монгол наадам цогцолбор”, Монголын морин спорт, уяачдын холбоо хамтран ажиллах Санамж бичиг байгуулав. Уг санамж бичигт өнөөдөр “Монгол наадам цогцолбор”-ын дарга Н.Батсүмбэрэл болон ММСУХ-ны ерөнхийлөгч М.Мөнхбаясгалан нар гарын үсэг зурлаа. Санамж бичгийн хүрээнд Хүй долоон худагт уламжлалт болон сонгомол морин уралдааныг хөгжүүлэх, морин тойруулгын ажиллагааг явуулахад хамтран ажиллах юм.
Гарын үсэг зурах ёслолын үеэр “Монгол наадам цогцолбор”-ын дарга Н.Батсүмбэрэл, “Санамж бичигт тусгасан морин тойруулгын ажлыг энэ онд багтаан эхлэх цаашлаад хурдан морины замын дагуу засмал зам тавих бөгөөд замын ажлыг төр, хувийн хэвшлийн түншлэлийн хүрээнд хийх боломжтой. Үндэсний их баяр наадмын үеэр хурдан морьдын уралдааныг засмал замаар дагахаас гадна холын зайн гүйлтийн тэмцээн зэрэг олон төрлөөр ашиглах юм” гэв.
Мөн ММСУХ-ны ерөнхийлөгч М.Мөнхбаясгалан “Унаач хүүхдүүдийн аюулгүй байдлыг хангах үүднээс зам засах, усалгаа хийхээс гадна унаач хүүхдэд стандарт хувцас өмсүүлж хэвших чиглэлд Гэр бүл хүүхэд залуучуудын хөгжлийн газартай хамтран ажиллаж байна” гэлээ. Мөн энэ жил нилээн хуурайшилттай байгаа учир Үндэсний их баяр наадмын үеэр үүлэнд зориудаар нөлөөлж, бороо оруулах асуудлаар холбогдох газруудад санал өгснөө дуулгав.
Тэнэг тэнэг гэхэд бас хязгаартай баймаар юм
Хурдны морь дагах зам барихын оронд дагаж бичих бичлэгийн аппарат суурилуулах өндөр шон, усалгааны шугам татаач ээ. Бид морь үздэг болохоос том жип машины уралдаан үзэх гэж очдоггүй. Морьд дагасан том тэрэгний цонхоор хийсэн бичлэг огт гаардалга хангахгүй байна. Сурвалжлагч нь амьсгаадад, машин нь өөрөө тоосонд булагдаад, мориныхоо өмнө хойно ороод эхний морь уу, дунд яваа морь тайлбарлаад байгаа муу мэдэгдэхгүй, ёстой ядаргаатай байдаг. Тэхээр бичлэгийг хөдөлгөөнгүй, дагаж бичдэг болгоо.