Японы гүнж Хисако Такамадо ДАШТ-ийг үзэхээр ОХУ-ыг зорихоор болсон талаар тус улсын эх сурвалжаас иш татан Тасс агентлаг мэдээллээ. Өдгөө 64 настай гүнж Хисако Такамадо энэ сарын 19-ний өдөр Саранск хотноо болох Япон болон Колумбийн шигшээ багуудын тоглолтыг үзэж, эх орон нэгтнүүдээ дэмжихээр ийнхүү Оросыг зорих болсон байна.
Түүний зэрэгцээ Хисако Такамадо нь Японы хөлбөмбөгийн холбооны хүндэт тэргүүн бөгөөд 1998 оноос хойш ДАШТ-ийг нэг ч удаа алгасч байгаагүй юм байна. Сонирхуулхад гүнж Хисако Тамадо ийнхүү ДАШТ-ийг үзэхээр Оросыг зорих болсон нь 1916 оноос хойш Японы эзэн хааны гэр бүлийн гишүүдээс Орост айлчилж байгаа анхны тохиолдол болж байгаа гэнэ.
