Увс нуурыг зорих жуулчид сүүлийн жилүүдэд эрс нэмэгдэж байгаа тул нуурын хөвөөнд боловсон жорлон бүхий ариун цэврийн байгууламж барихаар тус аймгийн ИТХ-аас өнгөрсөн өвөл шийдвэрлэжээ. Гэвч 200 сая төгрөгийн төсөвт өртөг бүхий уг ажлыг гүйцэтгэх сонгон шалгаруулалтад нэг ч аж ахуйн нэгж, байгууллага оролцоогүй тул төлөвлөсөн хугацаанаасаа хойшилсоор байна.
Цэвэрлэх байгууламжийг байгальд ээлтэй, газрын хөрсөнд бохир шингэхгүй, усанд орох газрын хамт байгуулахаар төлөвлөсөн бөгөөд ингэснээр нуурыг бохирдуулахаас сэргийлэхийн зэрэгцээ гадаад, дотоодын аялагчид ая тухтай үйлчлүүлэх боломж нээгдэх юм.
Энэ зун ашиглалтад оруулна гэж төлөвлөж байсан ариун цэврийн байгууламж барих ажил ийнхүү саатсан тул орон нутгаас дахин сонгон шалгаруулалт зарлах уу, эсвэл өөр арга зам хайх уу гэдгээ хараахан тогтоогүй байгаа гэнэ.
Монгол Улсын тусгай хамгаалалттай бүх газар нутагт ариун цэврийн байгууламжийг стандартад нийцүүлж, байгальд ээлтэй, үйлчлүүлэгчдэд ая тухтай байлгах шийдвэр гарсан. Гэвч одоогоор Увс аймгийн тусгай хамгаалалттай газар нутгийг түшиглэсэн жуулчны бааз, амралтын газрууд ердийн нүхэн жорлонтой учраас Монголын хамгийн том нуурын эрэг хөвөө орчимд ариун цэврийн боловсон байгууламж хийхээр зорьжээ.
Нүхэн жорлон Увс нуурт заналхийлсээр байна
}
Шинэ мэдээ
