Боловсрол телевиз “Endemol shine group”-ын албан ёсны эрхтэйгээр хүргэж буй “Яг түүн шиг-3” шоуны ес дахь дугаар энэ сарын 1-ний өдөр үзэгчдийн хүртээл боллоо.
Шоуны ес дэх дугаарын ялагчаар “Sweetymotion” хамтлагийн дуучин Г.Сүндэрмаа тодорсон юм. Тэрээр Keala Settle-ын дүрд хувирч түүний This is me дууг яг түүн шиг дуулж, шүүгчид болон оролцогчдын өгсөн нийлбэр дүнгээр хамгийн өндөр саналыг авч ялагч болсон. Харин үзэгчдээс ирсэн мессэж онооны нийлбэр дүнгээр оролцогч, жүжигчин О.Тэмүүжин хамгийн их саналыг авсан юм.
9 дахь дугаар буюу “Хагас шигшээ” дугаарт шоунд оролцож буй найман оролцогчийн хоёр оролцогч хасагдаж үлдсэн зургаан оролцогч аваргын төлөө өрсөлддөхөөр үлдсэн. Харин тэмцээнийг цааш нь үргэлжлүүлэх боломжгүй оролцогчоор загвар өмсөгч О.Билгүүн, жүжигчин М.Цэрэндолгор хасагдсан .
Аваргын төлөө өрсөлдөх эрхтэй зургаан оролцогч:
Эмоци продакшны жүжигчин О.Тэмүүжин
Дуучин, ая зохиогч Д.Нацагдорж
“A-Sound” хамтлагийн дуучин Ц.Тэмүүлэн
“Sweetymotion” хамтлагийн дуучин Г.Сүндэрмаа
Жүжигчин Ч.Очгэрэл
Загвар өмсөгч Ж.Энэрэл
Эдгээр зургаан оролцогч нар аваргын төлөө өрсөлдөнө.
