Дэлхийн бүх улс орны паспорт улаан, хөх, ногоон, хар гэсэн үндсэн дөрвөн өнгөтэй байдаг. Улс бүхэн өөрийн гэсэн шалтгаанаар энэхүү бичиг баримтын өнгийг сонгодог. Тэгвэл энэ дөрвөн өнгө юуг илэрхийлдэг вэ?
Улаан паспорт
Хамгийн нийтлэг өнгө. Улаан өнгийг коммунист дэглэмтэй байсан улс орнууд эсвэл одоогийн коммунист дэглэмтэй улс орнууд сонгодог. Словени, Хятад, Серби, Орос, Латви, Румын, Польш, Гүрж, Монгол зэрэг улсууд улаан өнгийн паспорттай. Европын холбооны улсууд, Хорватаас бусад нь улаан хүрэн, улаан өнгөтэй. Европын холбоонд элсэх сонирхолтой улсууд болох Турк, Македони, Албани зэрэг улс нь хэдэн жилийн өмнөөс улаан өнгөөр солисон. Үндэсний Андын холбооны улс болох Болив, Колумб, Эквадор, Перс зэрэг улсууд улаан хүрэн өнгийг хэрэглэдэг.
Хөх паспорт
Дараагийн нийтлэг өнгө бол хөх өнгө. Хөх өнгө нь “шинэ дэлхийг” бэлгэддэг. Карибын 15 улс орон хөх өнгийг ашигладаг. Өмнөд Америкийн улс орнуудын хөх өнгийн паспорт нь Меркосурын худалдааны холбоог бэлгэддэг. Энэ бол Бразил, Аргентин, Парагвай юм. Венесуэль бол тус холбооны улс хэдий ч улаан өнгийг ашигладаг байна. АНУ-ын паспорт 1976 онд хөх өнгөтэй болсон.
Ногоон паспорт
Мухамедын дуртай өнгө ногоон бөгөөд амьдрал болон байгалийг бэлгэддэг. Мөн ногоон өнгийн иргэний үнэмлэхтэй өөр улс орнууд ч бий. Хойд Африкийн улс орнууд, жишээ нь Буркина Фасо, Нигери, Зааны ясан эргийн улс, Сенигал зэрэг улсууд багтана. Эдгээр улс орнууд нь Хойд Африкийн улсуудын эдийн засгийн нийгэмлэгийн улсууд юм. Ногоон Мусульманы шашинтай ихэнх улс орнууд ногоон өнгийн үнэмлэхтэй. Жишээ нь: Марокко, Саудын Араб, Пакистан.
Хар паспорт
Хамгийн ховор өнгө. Хар өнгийн паспорттай улс оронд Африкийн зарим нэгэн улсууд болох Ботсван, Замби, Бурунди, Габона, Ангол, Чад, Конго, Малави гэх мэт улсууд орно. Шинэ Зеланд хар өнгийн паспорттай. Учир нь хар өнгө бол Шинэ Зеландын үндэсний өнгө юм.
