Аспириныг өдөр тутмын амьдралд хэрэглэх маш олон арга байдаг. Аспирин ашиглах дараах хэд хэдэн аргыг зөвлөж байна.
Батганд
Аспирин нь үрэвслийн эсрэг үйлчилгээтэй учир улайлтыг шууд л багасгана. Нүх сүвийг цэвэрлэж гуужуулах зорилгоор батганы эсрэг бүтээгдэхүүнүүдийн найрлагад ордог салицилийн хүчил агуулсан байдаг.
Зөгийн бал мэдээж бактерийн эсрэг үйлчилгээтэй. Арьсыг ус төрөгчөөр хангаж чийглэж гялалзсан болгодог.
Орц:
-5-7 ширхэг аспирин
-Нэрмэл ус буюу гадуур зардаг цэвэр ус
-1 цайны халбага цэвэр зөгийн бал
Хийх заавар:
Жижиг аяганд аспиринаа хийгээд сайн нухна. Зуурмаг маягийн болгоно гэж бодоод бага зэргийн ус хийнэ. Усанд аспирин уусан, зөөлөрч эхлэх үед сайн хутга. Хэрвээ өтгөн байвал жоохон ус нэмээрэй. Хэрвээ хэт шингэн санагдвал ахин 1 аспирин хий. 8-аас илүү аспирин хийх хэрэггүй. Дээр нь 1 халбага зөгийн бал хийгээд сайн хутгаарай. Хэрвээ арьс тань харшилтай эсвэл хэт хуурай бол зөгийн балны оронд оливын тос хийж болно.
Хэрэглэх заавар:
Нүүр, хүзүү, нуруу, цээж гээд батгатай хэсэг дээрээ түрхэнэ. 7-15 минут байлгаад нүүрээ угаагаарай. Эрэгтэйчүүд хэрэглэхэд нэн тохиромжтой бөгөөд сахалны батганд маш сайн.
Долоо хоногт хоёр удаа хэрэглээрэй. Эхний түрхэлтээр л та үр дүнг нь мэдрэх болно. Хар батга хүртэл арилдаг.
Анхаар:
Эмзэг арьстай бол хэрэглэж болохгүй. Жирэмсэн болон 20-иос доош настай хүн хэрэглэж болохгүй.
Үсний хаганд
Ихэвчлэн хэт тослог, эсвэл хэт хуурай үстэй хүмүүс хагтдаг. Хаг үүсэх шалтгаан нь өөх тосны хэт их хэрэглээ, хуурайшилт, үсний буруу арчилгаа, цаг уурын гэнэтийн өөрчлөлт зэргээс үүдэлтэй байдаг.
Орц:
-2 ширхэг аспирин
-Үсээ угаах хэмжээний байгалын гаралтай шампунь, эсвэл 1 цайны халбага /халгай байж болно/
Хэрэглэх заавар:
Аспиринаа нунтагласан шампуньтай холиод чийгтэй хуйхандаа түрхэнэ. 3-4 минут массаж хийсний дараа усаар сайтар зайлна. Дахин нэг удаа шампуньдаж ангижруулаарай.
Нүүр цэвэрлэгч тоник
Аспирин нь мөн мөөгөнцрийн эсрэг үйлчилгээтэй учир арьсыг гадны бохирдлоос хамгаалж зөөлхөн өнгөлөг болгоно.
Орц:
-8-10 ширхэг аспирин
-1/2 аяга ус
-1/2 аяга алимны цуу
Хийх заавар:
Алимны цуугаа устайгаа холиод, дээр нь аспиринаа нухаж байгаа хийж уустал нь хутгана.
Хэрэглэх заавар:
Цэвэрхэн хуурай нүүрэндээ цацаад 5-10 минутын лараа бүлээн усаар угаагаарай. Үлдсэн тоникоо хөргөгчинд хадгална. Орой бүр хэрэглэвэл батганаас айлтгүй болно.
