140 гаруй жилийн түүхтэй Японы “Shiseido” компани үс арчилгаа болон хямд үнэтэй арьс арчилгааны бизнесээ “CVC Capital Partners”-т 150-200 тэрбум иен буюу ойролцоогоор 1.45-1.9 тэрбум ам.доллароор худалдахаар хэлэлцээ хийж байна.
Ингэснээр тус компани “Premium” буюу дээд зэрэглэлийн гоо сайхны бүтээгдэхүүн үйлдвэрлэлдээ төвлөрөхөөр зорьж байгааг ойрын эх сурвалж мэдээллээ. Цар тахлын улмаас хүмүүсийн гоо сайхан, хувийн арчилгаатай холбоотой хэв маяг өөрчлөгдсөн нь энэ чиглэлийн компаниудад нөлөөлж байна.
2019 онд “Shiseido” 100 тэрбум иений орлоготой ажилласны аравны нэгийг хувийн арчилгаа, амьдралын хэв маягтай холбоотой бизнесийн орлого бүрдүүлж байжээ. Мөн 114 тэрбум иений ашиг олж байсан бол 2020 онд 4.7 тэрбум иений алдагдал хүлээх төлөвтэй байгаа юм.
