Туркийн Гадаад хэргийн сайд Мевлут Чавусоглу айлчлал хийж байгаа ОХУ-ын Гадаад хэргийн сайд Лавровтой энэ сарын 14-ний өдөр Анкарад уулзалт хийх үеэр Америкийн хориг арга хэмжээг шүүмжилсэн бөгөөд Турк Оросын стратегийн түншийн харилцааг эрчимжүүлэх болно гэснийг Синьхуа Агентлаг мэдээллээ.
Уулзалтын дараа болсон хэвлэлийн бага хурлаар Чавусоглу хэлэхдээ “Америкийн Туркт авч байгаа хориг арга хэмжээ нь “Америкийн нэр хүнд”-ийг буруулж байна. Хүчирхэг нь буурайгаа дарамтлах цаг үе заавал дуусах ёстой. Туркийн эдийн засгийн тогтвортой байдал Европ болон түүний эргэн тойрны орнуудад маш чухал юм” гэжээ.
Мөн энэ үеэр Лавров “Өрнөдийн орнуудын Орост авч буй хориг арга хэмжээнд Турк оролцохоос татгалзаж байгааг сайшааж байна. Турк зэрэг орнуудад Америк хориг арга хэмжээ авч байгаа нь “хууль бус, шударга биш”. Үүний зорилго нь дэлхийн зах зээлд тэнцвэргүй өрсөлдөөнд давуу байр суурь эзлэхийн төлөө юм. Харин үр дүнд нь ам.долларын олон улсын тооцооны валют болж байгаа статусыг хохироох болно. Орос өдгөө Турктэй өөрсдийн орны валютаар тооцоо хийх талаар авч хэлэлцэж байна.” гэв.
Хоёр орны гадаад хэргийн сайд мөн уулзалтаар Сирийн байдлыг авч хэлэлцсэн байна.
