ЕБС-ийн хичээлийн шинэ жилийн нээлтийг ирэх бямба гаригт 13:00 цагаас зохион байгуулах болсныг салбарын сайд өнөөдөр мэдээллээ. Учир нь есдүгээр сарын 1-н буюу Бямба гарагийн өглөө Улаанбаатарт түр зуурын усархаг бороо орох төлөвтэй байгаа юм байна.
Энэ хичээлийн жилийг “Суралцагч бүрийн сурлагын чанарт ахиц” гаргах жил байхаар үндсэн зорилгыг дэвшүүлжээ. Энэ зорилгоо хангахад сургууль, цэцэрлэг, багш, удирдах ажилтан, эцэг, эх, асран хамгаалагчийн түвшинд ямар зорилго тавьж ажиллахыг тодорхойлж өгсөн талаар өнөөдөр тус яамнаас мэдээлсэн юм.
Дээрх зорилгоо хүрээнд эцэг, эхчүүдэд хүүхдийнхээ нас, хөгжлийн онцлог, зан төлвийг таньж мэдэн, хүүхдээ ойлгож дэмжин туслах замаар боловсрол эзэмших, авьяас чадвараа хөгжүүлэхэд бүх талын дэмжлэг үзүүлэхэд анхаарч ажиллахыг уриаллаа.
Мөн 1 дүгээр ангид хүүхэд нь шинээр элсэж байгаа эцэг, эхчүүдэд зөвлөмж болгож “Таны хүүхэд сургуульд орлоо” гарын авлагыг 72,000 хувь хэвлүүлж есдүгээр сарын 1-нд тараахаар юм байна.
Хичээлийн шинэ жилийн нээлт ирэх бямба гаригт 14:00 цагаас болно
}
Шинэ мэдээ
