Төрийн албаны зөвлөлөөс БСШУС-ын яаманд хийсэн шалгалтаар найман газар, хэлтсийн дарга, 15 мэргэжилтэн хууль зөрчин томилогдсон байжээ. Мөн салбарын сайдын эрхлэх асуудлын хүрээнд хамаарах боловсрол соёл, шинжлэх ухаан, спортын 30 байгууллагын захирлыг сонгон шалгаруулалтгүй томилсон зөрчил илрээд байгаа аж. Эдгээр зөрчлийг арилгах үүргийг БСШУС-ын сайд Ц.Цогзолмаад даалгаад байгаа юм.
