“Буэнос-Айрес-2018” Залуучуудын III олимпийн наадам өчигдөр/10.08/ хоёр дахь өдрөө үргэлжиллээ. Эхний өдөр жүдо бөхийн эрэгтэйчүүдийн 55 кг-д зодоглосон манай тамирчин Г.Тэмүүжин мөнгөн медаль хүртсэн бол хоёр дахь өдөр эмэгтэйчүүдийн 52кг-д Л.Сосорбарам мөн мөнгөн медаль хүртжээ.
Энэ удаагийн наадмын жүдо бөхийн төрөлд Монгол улсаа төлөөлөн хоёр тамирчин оролцсон бөгөөд ийнхүү хоёул медаль хүртэв. Манай тамирчид холимог багийн төрөлд мөн оролцох бөгөөд тэмцээн Улаанбаатар хотын цагаар 10 дугаар сарын 10-ны өдрийн 21:00 цагт эхэлнэ.
