“Есөн Э”-гийн ерөөлч буюу Архангайчуудын \”нэг дугаарт\” сонголт

УИХ-ын гишүүн Н.Батбаярыг \”эмнэлэгт
үзүүл, эрүүл мэндээ бод” хэмээн ангийн нөхдүүдэд санаа зовох боллоо. Тэрээр
өчигдөр \”өр” гэдэг үгийг \”өглөг”-өөр сольж, утга агуулгыг нь ялгахгүй, \”хадуурч\”, үгсийг хооронд адилтган
солих тухай хуулийн төсөл өргөн барьж байгаагаа хэлэх завсар, журмын нөхрийнхөө \”нууц\”-ыг задалж олны \”доог” болов.

Ер нь уг хүнийхээ хувьд үг зүйн
тал дээр ажиллах гэж хичээдэг, ерөөл магтаал хэлэх гэж оролддог юм байна гэж харагдаад байгаа. Гэхдээ төрийн ордонг, \”Болор цом\”-ын тайз хэмээн андуурч орж ирээд суучихсан уу гэж бодогдмоор. УИХ-ын гишүүн хүн хууль баталж, улс
орны хувь заяа, ядаж сонгогдсон тойргийнхоо эрх ашигт анхаарал хандуулдаг баймаар.
Тэгсэн Н.Батбаяр гишүүн үг зүй ухаанд суралцсаар л дөрвөн жилийг арай чүү л гэж барж
байх шиг байна. Хэцүү байгаа харагддаг хөөрхий. Ядарч байгаагаа хэлээд дарга даа \”Согтуу байна. Харьж унт\” гээд л загинуулж байсан нь саяхан. Энэ бүгдийн эцэст \”ийм хүн Монгол Улсын Эдийн засаг, хөгжлийн сайд хийлгэж байсан\” гэж бодохоор үнэхээр дургүй хүрсэн ч \”за яахав нэг их удаагүй юмдаа” гэж өөрийгөө тайвшруулж
сууна. Энэ хүн хэзээ томоожиж, хэзээ хэл зүйгээ бүрэн судалж дуусах юм бол оо.
Ер нь МУИС-ийн хэл судлалын ангид оройгоор сурч төгсөөд дараа нь улс төрд орж
ирвэл яасан юм бол.

Даанч Архангайчууд түүнийг
нэгдүгээрт сонгочихдог нь сонин. \”Эмчилгээ нь дутуу хийгдчихсэн” мэт ийм хүнийг
нийт олноороо дэмжсэн гэхээр бүр сонин санагдаад байгаа юм. Архангайчуудыг \”танк
хүлдэг” гэдэг л дээ. Гэхдээ \”сэтгэхүйн хувьд өөрчлөлттэй” хүний өөрсдийг нь \”төлөөл”
гээд сонгоод явуулчихдаг тийм \”ухаан дутмаг\” гэж арай ч болсонгүй. Эрдэмтэн мэргэдийн өлгий нутаг шүү дээ, уг нь. Гэтэл тэр олон \”мундагчууд\” дундаасаа бус нэг иймэрхүү хүн сонгочихоод л нутаг усаа муу хэлүүлээд л явж байх гэж. 

Магадгүй \”Дээд тэнгэрээс заяат төрсөн Эзэн Чингисийн үр сад
аа. Мөнх тэнгэрээ шүтэн биширч, малчин заяагаа дээдлэн амьдрахын ерөөлийг
бэлгэдэн Есөн \”Э”-ийн ерөөл хэлье” гэж байгаад л сонгогдчихсон байхыг үгүйсгэхгүй. Тэгэхээр
Архангайчууд ерөөл, магтаалд ихэд дуртай ард түмэн бололтой. Харин үүнийг нь
АН-ынхан маш сайн мэдээд Н.Батбаярыг \”номер нэг” сонголтоор Арын хангай руу
илгээчихэж. Болор цомын наадам бол хамаагүй нэгдүгээр шатанд зүтгүүлж болох л байх. Гэвч улс төр ямар утга зохиол биш дээ.  Тиймээс энэ удаа л зөв сонголт хийж
үзээрэй, та минь.