ИХ-ын гишүүн Ж.Батзандан, Л.Болд, Л.Оюун-Эрдэнэ, Т.Аюурсайхан, Х.Нямбаатар нар УИХ-ын дарга М.Энхболдыг огцрохыг шаардсан УИХ-ын гишүүдийн гарын үсэг бүхий албан бичгийг УИХ-ын даргад өргөн барилаа./2018.12.13/ Уг албан бичигт одоогоор 38 гишүүн гарын үсгээ зураад байгаа бөгөөд томилолтоор ажиллаж байгаа зарим гишүүн зурж амжаагүй ч УИХ-ын даргыг огцруулахаа илэрхийлсэн байна. Иймд УИХ-ын гишүүдийн дийлэнх олонх нь М.Энхболдтой ажиллаж чадахгүй гэдгээ илэрхийлж байгааг дээрх гишүүд хэлж байсан юм.
Энэ талаар УИХ-ын гишүүн Т.Аюурсайхан хэлэхдээ “Бид УИХ-ын даргыг 2018.11.22-нд ажлаа өгөхийг шаардсан. Үүнээс хойш бүтэн гурван долоо хоног өнгөрлөө. Энэ хугацаанд УИХ-ын чуулганы нэгдсэн хуралдаан хуралдсангүй. Байнгын хороодын хуралдаан саатаж байна. УИХ-ын дарга М.Энхболд хуулиар УИХ-ын үйл ажиллагааг тасралтгүй хэвийн явуулах үүрэгтэй. Гэтэл УИХ-ын гишүүдийн олонх нь энэ хүнээр удирдуулахгүй гэж байна.
Өнөөдөр сайд нар, Ерөнхий сайд албан тушаалаасаа чөлөөлөгдөж болдог. Монгол Улсын Ерөнхийлөгч хүртэл чөлөөлөгдөж болдог хуультай. Гэтэл УИХ-ын дарга М.Энхболд хуулийн заалтын өмнө нуугдаж байна. Монголын төрд шударга ёс юунаас ч илүү хэрэгтэй байна. Хамгийн сүүлд Эх нялхсын эмнэлгийн захирал албан тушаалаа өгч байна. Энэ хүмүүс хуулиар огцруулах үндэслэлээ гаргаж тавь гэж хэн ч хэлээгүй. Бүгд ёс зүйн хариуцлагаа хүлээж албан үүргээсээ чөлөөлөгдөх хүсэлтээ гаргаж байгаа. Үүнтэй адил ёс зүйн үүднээс албан тушаалаа өгөхийг УИХ-ын дарга М.Энхболдоос шаардаж байна.
Бид өмнө нь М.Энхболд даргатай уулзахад
Огцруулах үндэслэлээ 2018.11.22-нд амаараа тавьсан.
Та бүхний гарын үсэг зурсан хүмүүс дотор 33 хүн байна.
Өгсөн бичигт чинь албан тушаалаасаа чөлөөлөгд гэсэн үг алга байна гэсэн.
Тийм учраас өнөөдөр бид УИХ-ын дарга М.Энхболдод хандаж албан ёсоор УИХ-ын гишүүдийн олонх нь буюу 38 гишүүн гарын үсэг зурсан шаардлагыг өгч байна. Зарим гишүүд томилолттой байгаа учраас хараахан зурж амжаагүй байгаа. Ер нь 40 гаруй гишүүн дэмжиж байгаагаа илэрхийлсэн” гэсэн юм
Албан бичигт:
УИХ-ын дарга М.Энхболд танаа 2018.12.13 дугаар 13741, Шаардлага тавих тухай:
УИХ-ын дарга М.Энхболд та УИХ-ыг даргалах ёс зүйн эрхгүй гэж үзэж байгаа тул Улсын их хурлын тухай хуулийн 10.2.2-т заасны дагуу чөлөөлөгдөх хүсэлтээ гаргана уу. Уг хүсэлтээ гаргатал УИХ-ын гишүүд бид УИХ-ын чуулган болон Байнгын хорооны хуралдаанд оролцох боломжгүй гэдгээ үүгээр уламжилж байна. Үүнээс үүсч болох аливаа эрсдэл сөрөг үр дагаварыг та хариуцах болно гэдгийг мэдэгдье.
УИХ-ын гишүүн Л.Оюун-Эрдэнэ
УИХ-ын гишүүн Т.Аюурсайхан
УИХ-ын гишүүн Х.Баделхан
УИХ-ын гишүүн Ж.Батзандан
УИХ-ын гишүүн Б.Батзориг
УИХ-ын гишүүн О.Батнасан
УИХ-ын гишүүн Б.Баттөмөр
УИХ-ын гишүүн Л.Болд
УИХ-ын гишүүн Х.Болорчулуун
УИХ-ын гишүүн Ж.Ганбаатар
УИХ-ын гишүүн Ц.Гарамжав
УИХ-ын гишүүн Ц.Даваасүрэн
УИХ-ын гишүүн Д.Дамба-Очир
УИХ-ын гишүүн Б.Жавхлан
УИХ-ын гишүүн С.Жавхлан
УИХ-ын гишүүн Г.Занданшатар
УИХ-ын гишүүн Д.Мурат
УИХ-ын гишүүн Х.Нямбаатар
УИХ-ын гишүүн Ц.Нямдорж
УИХ-ын гишүүн М.Оюунчимэг
УИХ-ын гишүүн Д.Сарангэрэл
УИХ-ын гишүүн Я.Содбаатар
УИХ-ын гишүүн Г.Солтан
УИХ-ын гишүүн Д.Сумъяабазар
УИХ-ын гишүүн А.Сүхбат
УИХ-ын гишүүн Д.Тогтохсүрэн
УИХ-ын гишүүн Ч.Улаан
УИХ-ын гишүүн Н.Учрал
УИХ-ын гишүүн Ч.Хүрэлбаатар
УИХ-ын гишүүн Д.Цогтбаатар
УИХ-ын гишүүн Н.Цэрэнбат
УИХ-ын гишүүн С.Чинзориг
УИХ-ын гишүүн Л.Элдэв-Очир
УИХ-ын гишүүн Б.Энх-Амгалан
УИХ-ын гишүүн Ж.Энхбаяр
УИХ-ын гишүүн Л.Энхболд
УИХ-ын гишүүн Н.Энхболд
УИХ-ын гишүүн Ө.Энхтүвшин
