Монголын төрд дансгүй ч, нөлөөлөл ихтэй нэгэн нууц эрхэм бий. Түүнийг Т.Бадамжунай гэнэ. Сүүлийн үед Т.Бадамжунайг МАНАН бүлэглэлийн “зохицуулагч” мэтээр бичих боллоо. Уг нь Хөдөө аж ахуйн сайд, Хотын ерөнхий менежерээс дээш албан тушаал хашч байгаагүй хүн. Гэтэл яаж яваад Монголыг атгаж суугаа МАНАН гэх бүлэглэлийн зохицуулагч болов оо гэдэг нь анхаарал татмаар.
Тариалан эрхлэгчдийг дэмжих сан гэж бий. Атрын гуравдугаар аян нэртэй арга хэмжээ С.Баярыг Ерөнхий сайд байх үед зохион байгуулагдаж, Т.Бадамжунай сайдын гарын үсэгтэй тэрбум тэрбум төгрөг эрх мэдэлтнүүдийн халаас руу урссан тухай эх сурвалжууд ярьж байна. Яг л ЖДҮ шиг. Гэхдээ ТЭДС-гийн хажууд ЖДҮ юу ч биш гээд л бодчих.
Тэгэхээр ТЭДС-гаас зээл авсан хүн болон Т.Бадамжунайд их өртэй, эсвэл хамаарал бүхий этгээд гэж хардахаар байна. Магадгүй энэ нь ч түүнийг хэр зэрэг нэр хүндтэй хүн бэ гэдгийг харуулдаг биз.
Тэгвэл ойрын үед хуулийнхны хяналт шалгалт идэвхжиж, дур зоргоороо аашилж, хуулиас гадуур зарим үйлдлийг шалгаж эхэллээ. Мөн төрийн байдал ч тогтворгүй байна. Энэ нь нам бүлэглэлийн “нууц зохицуулагч”-дад халгаатай байж мэднэ. Тиймээс уур амьсгал сайжиртал галын цэгээс холдох замыг сонгоцгоох болов уу.
Т.Бадамжунай ч бас энэ замыг сонгож, хил давсан гэх мэдээлэл байна. Ингэхдээ хуулийнханд мэдэгдэлгүйгээр Замын-Үүд Эрээний чиглэлд тээвэр хийдэг УАЗ 469 автомашинд сууж хил давсан гэх мэдээллийг эх сурвалжууд өгч байгаа юм.
Хөрөнгөтэй, эрх мэдэлтэй хүн онгоцоор хил давах нь ая тухтай. Гэвч 69-өөр хил давсан нь түүнийг хил гарсан тухайгаа бусдад мэдэгдэхийг хүсээгүйтэй холбоотой юм уу гэж хардаж байна. Мөн эндээс Т.Бадамжунайд хуулийнханд мэдэгдэхийг хүсэхгүй нэг асуудал байна гэж харагдаад байна. Үргэлжлэлийг энд дарж уншина уу.
Т.Бадамжунай яаран хил давсны учир юу вэ
}
Шинэ мэдээ
