Дохио!!! Цаг агаарын аюултай үзэгдлээс сэрэмжлүүлэх мэдээ: Өнөө шөнө Завханы нутаг, маргааш өдөр Сэлэнгийн нутаг, Булганы өмнөд, Төв аймгийн баруун хэсгээр цасан шуурга шуурна.
Өнгөрсөн хоногт Завханы нутаг, Баян-Өлгийн баруун, Ховд, Говь-Алтай, Дундговийн зарим газар, Баянхонгорын хойд, Архангайн өмнөд хэсгээр бага зэргийн цас орж хамгийн их нь Завханы Цагаанхайрханд 2.5 мм, Улиастайд 2.3 мм, Сонгино, Ховдын Байтагд 1.1 мм цас орсон байна.
Өнөө өглөөний 08 цагийн цаг уурын өртөө, харуулын талбайн хэмжилтээр Баян-Өлгий, Ховд, Увс, Завхан, Говь-Алтай, Хөвсгөл, Архангай, Төв, Дундговь, Дорнодын нутаг, Баянхонгор, Булганы хойд, Сэлэнгийн баруун, Хэнтийн зүүн, Дорноговийн зүүн өмнөд хэсгээр 0.5-20 см цасан бүрхүүл тогтсоноос хамгийн зузаан нь Увсын Зүүнговьд 20 см, Малчинд 19 см, Баруунтуруун, Хөвсгөлийн Хатгалд 15 см бүрхүүл тогтсон байна.
Өчигдөр өдөр нутгийн баруун хагаст өмнөх өдрөөс 1-9 градусаар хүйтэрч Дархадын хотгор болон Идэр, Тэс голын хөндийгөөр -21…-26 градус, Алтай, Хангай, Хөвсгөл, Хэнтийн уулархаг нутгаар -15…-20 градус, говийн бүс нутгийн өмнөд хэсгээр -0…-6 градус, бусад нутгаар -9…-14 градус хүйтэн байв.
Өнгөрсөн шөнө нутгийн зүүн хагаст өмнөх шөнөөс 1-7 градусаар дулаарч Дархадын хотгор болон Идэр, Тэс голын хөндийгөөр -30…-36 градус, Алтай, Хангай, Хөвсгөлийн уулархаг нутаг, Хараа, Ерөө, Сэлэнгэ, Туул, Тэрэлж голын хөндийгөөр -24…-29 градус, Алтайн өвөр говь болон говийн бүс нутгийн өмнөд хэсгээр -8…-14 градус, бусад нутгаар -17…-23 градус хүйтэн хоносон байна.
Улаанбаатар хот орчмоор: Өнгөрсөн хоногт цас ороогүй. Салхи зүүн өмнөөс секундэд 3-8 метр. Өдөртөө -9…-11 градус, шөнөдөө Яармаг-Сонгино орчмоор -25…-27 градус, бусад хэсгээр -17…-19 градус хүйтэн хонолоо.
2018 оны 12 дугаар сарын 20-ны 20 цагаас 21-ний 20 цаг хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө нутгийн зүүн хэсгээр цас орж, цасан шуурга шуурна. Салхи баруун хойноос секундэд 5-10 метр, шөнөдөө Алтайн салбар уулсаар, өдөртөө нутгийн өмнөд хэсгээр түр зуур секундэд 16-18 метр хүрч ширүүснэ. Хүйтэрч Увс нуурын хотгор, Завхан голын эх, Хүрэн бэлчир орчим, Тэс голын хөндийгөөр шөнөдөө 32-37 градус, өдөртөө 25-30 градус, Алтайн өвөр говиор шөнөдөө 15-20 градус, өдөртөө 8-13 градус, бусад нутгаар шөнөдөө 23-28 градус, өдөртөө 15-20 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө нутгийн зарим газраар, өдөртөө ихэнх нутгаар цас орж, цасан шуурга шуурна. Салхи баруун өмнөөс баруун хойш эргэж секундэд 5-10 метр, өдөртөө ихэнх нутгаар секундэд 12-14 метр хүрч ширүүснэ. Дархадын хотгор, Хөвсгөлийн уулархаг нутгаар шөнөдөө 27-32 градус, өдөртөө 23-28 градус, Хангай, Хэнтэйн уулархаг нутаг, Хараа, Ерөө, Орхон, Туул, Тэрэлж голын хөндийгөөр шөнөдөө 22-27 градус, өдөртөө 14-19 градус, бусад нутгаар шөнөдөө 16-21 градус, өдөртөө 10-15 градус хүйтэн байна.
ЗҮҮН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр, өдөртөө нутгийн хойд хэсгээр бага зэргийн цас орж, зөөлөн цасан шуурга шуурна. Салхи баруун өмнөөс секундэд 7-12 метр. Хэнтий, Дорнодын хойд хэсгээр шөнөдөө 19-24 градус, өдөртөө 10-15 градус, бусад нутгаар шөнөдөө 16-21 градус, өдөртөө 5-10 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун өмнөөс хойш эргэж секундэд 6-11 метр. Шөнөдөө 26-28 градус, өдөртөө 8-10 градус хүйтэн байна.
ГОВИЙН АЙМГУУДЫН НУТГААР: Шөнөдөө багавтар үүлтэй, цас орохгүй, өдөртөө үүлшиж, нутгийн хойд хэсгээр бага зэргийн цас орно. Салхи баруун өмнөөс хойш эргэж секундэд 7-12 метр, шөнөдөө Арц богдын өвөр хоолойгоор, өдөртөө ихэнх нутгаар түр зуур секундэд 16-18 метр хүрч шороон шуурга шуурна. Шөнөдөө Өмнөговийн нутгаар 13-18 градус, бусад нутгаар 16-21 градус, өдөртөө Дундговийн нутгаар хүйтэрч 6-11 градус, бусад нутгаар 2-7 градус хүйтэн байна.
УЛААНБААТАР ХОТ: Үүлшинэ. Шөнөдөө цас орохгүй, өдөртөө бага зэргийн цас орж, цасан шуурга шуурна. Салхи баруун өмнөөс баруун хойш эргэж секундэд 7-12 метр. Шөнөдөө Яармаг-Сонгины орчмоор 25-27 градус, бусад хэсгээр 18-20 градус, өдөртөө 13-15 градус хүйтэн байна.
