Өчигдрийн жагсаалд УИХ-ын хэд хэдэн гишүүн харагдсны нэг нь М.Оюунчимэг байв. Тэрээр сэтгүүлч байсан болохоор ч тэр үү ярих, хэлэхдээ үнэхээр сайн. Мөн Монголд шударга ёс хэрэгтэй гэж ярьдаг гишүүдийн нэг л дээ. Гэвч сошиал хөтлөх тал дээр маруухан гэдгээ үе үе баталчихаад байгаа юм. Өнгөрсөн Ерөнхийлөгчийн сонгуулиар хуульд хэн нэгэн нэр дэвшигчийг илтээр дэмжиж болохгүй гэдэг заалт байдаг. Түүнийг мань хүн зөрчиж, намаасаа нэр дэвшигчийг дугуйллаа гээд цахим хуудсаараа зарлаж орхисон хэрэг. Тэгээд л асуудал үүсч, хариуцлага тооцуулах болоход “би биш ээ, миний хуудсыг ашиглаад хэн нэгэн биччихжээ” гэж хэлээд үүссэн асуудлыг намжааж байсан юм.
Ер нь их хурлын гишүүнээр анх удаа сонгогдсон болохоор хэлсэн үг, хийсэн үйлдэл бүр нь олон нийтийн шүүмжлэлд өртчих гээд байдаг хүн үү гэж анзаарагдаад байгаа. Тухайлбал, өчигдөр ард түмэнтэйгээ цуг жагсах үеэр түүний ороолтыг ажигласан нэгэн ямар үнэтэй вэ гэж асуусан байгаа юм. Тэгсэн “даарч хөрч явахад найз маань ороолтоо зүүж өгсөн. Хэдэн төгрөгийн үнэтэй вэ гэдгийг мэдэхгүй” гэж хариулсан байна. LV гэсэн үсэгтэй болохоор нь их үнэтэй ороолт зүүжээ гэж хардахгүй юу даа. Гэтэл мань хүн сандрахдаа найз руугаа бухаж орхисон байна.
Гэвч найзын ороолт түүний хүзүүнээс салалгүйгээр олон удаагийн арга хэмжээнд цуг явсан болохыг баталгаажуулсан зургийг өөнтөгч нэгэн олоод тавьчихжээ.
Ингээд л М.Оюунчимэг гишүүн өмнөх шигээ л хэл амны бай болж орхилоо. Тэгсэн учрыг нь ойлгоогүй сошиалчид “Чимгээ гишүүний ороолт яасын” гэж асууж эхэллээ. Тэдэнд хандаж хэлье. Гишүүн LV-гийн ороолт зүүжээ. Харин үнийг нь асуусан хүн “минийх бишээ найзаасаа түр зээлсэн юм” гэж хариулжээ. Гэхдээ түр гэдэг нь хэр хугацаа юм бол доо…
