Үндэсний статистикийн хорооноос Монгол улсын нийгэм, эдийн засгийн өнөөгийн байдлыг гаргасан байна. Өрхийн нийгэм, эдийн засгийн 2018 оны 4 дүгээр улирлын судалгаагаар нэг өрхийн сарын дундаж мөнгөн орлого 1.1 сая төгрөг болж, өмнөх оны мөн үеэс 161.0 (16.9%) мянган төгрөгөөр өслөө. Үүнд хөдөө аж ахуйн бус үйлдвэрлэл, үйлчилгээний орлого 2.7 (3.1%) мянган төгрөгөөр буурсан хэдий ч цалин хөлсний орлого 97.8 (19.5%) мянган төгрөг, бусад орлого 24.7 (28.7%) мянган төгрөгөөр өссөн нь голлон нөлөөлсөн байна.
Нэг өрхийн сарын дундаж бодит мөнгөн орлогын хэмжээ 2018 оны дөрөвдүгээр улиралд 1.0 сая төгрөг болж, өмнөх оны мөн үеэс 77.7 (8.2%) мянган төгрөгөөр өссөн бол мөнгөн зарлага 1.1 сая төгрөг болж, өмнөх оны мөн үеэс 117.6 (11.4%) мянган төгрөгөөр өслөө. Үүнд хүнсний бус бараа, үйлчилгээний болон бусад зарлага 99.4 (12.8%) мянган төгрөгөөр өссөн нь голлон нөлөөлжээ.
Өрхүүдийг мөнгөн орлого, зарлагаар нь бүлэглэн авч үзвэл, 2018 оны 4 дүгээр улиралд 300.0 мянган төгрөгөөс доош орлоготой өрх 74.8 (8.3%) мянга, мөн энэ хэмжээний зарлагатай өрх 49.6(5.5%) мянга, 300.0-500.0 мянган төгрөгийн орлоготой өрх 114.5 (12.7%) мянга, мөн энэ хэмжээний зарлагатай өрх 117.2 (13.0%) мянга, 500.0-900.0 мянган төгрөгийн орлоготой өрх 252.4 (28.0%) мянга, мөн энэ хэмжээний зарлагатай өрх 240.7 (26.7%) мянга байна. Харин 2.1 сая төгрөгөөс дээш орлоготой өрх 81.1 (9.0%) мянга, мөн энэ хэмжээний зарлагатай өрх 92.8 (10.3%) мянга байна.
| Орлогын төрөл | 2017 он | 2018 он | Өөрчлөлт хувиар | ||
| 7-9 сар | 10-12 сар | 7-9 сар | 10-12 сар | ||
| Орлого-Бүгд | 1 018 563 | 1 041 080 | 1 168 532 | 1 201 880 | 115.4 |
| 1. Мөнгөн орлого | 929 369 | 950 032 | 1 074 805 | 1 110 983 | 116.9 |
| 1.1 Цалин хөлс | 525 074 | 501 252 | 588 770 | 599 094 | 119.5 |
| 1.2 Тэтгэвэр, тэтгэмж | 177 750 | 186 400 | 205 884 | 210 777 | 113.1 |
| 1.3 ХАА-н үйлдвэрлэлийн орлого | 69 607 | 89 493 | 95 860 | 106 239 | 118.7 |
| 1.4 ХАА-н бус үйлдвэрлэл, үйлчилгээний орлого | 72 912 | 86 817 | 82 651 | 84 092 | 96.9 |
| 1.5 Бусад орлого | 84 026 | 86 070 | 101 640 | 110 781 | 128.7 |
| 2. Бусдаас үнэгүй авсан хүнсний болон хүнсний бус бүтээгдэхүүн | 48 210 | 52 902 | 52 426 | 48 791 | 92.2 |
| 3. Өөрийн хувийн аж ахуйгаас хэрэглэсэн хүнсний бүтээгдэхүүн | 40 984 | 38 146 | 41 301 | 42 106 | 110.4 |
Эх сурвалж: ҮСХ
