“Улаанбаатар төмөр зам” ХНН-ийн удирдлагууд авлигын гэмт хэрэг үйлдсэн гэж МТЗ-ын нэгдсэн холбооны удирдах зөвлөлийн гишүүнд мэдэгдлээ.
Тэд “УБТЗ ХНН”-ийн дарга Б.Жигжиднямаа төмөр замыг өргөж, засварладаг ВПРС гэх машиныг ОХУ-аас худалдаж авахдаа оффшор компаниараа дамжуулж мөнгө угаасан бололтой юм. Түүнчлэн Мөнгө угаах зорилгоор ХХК үүсгэн байгуулж, хэрэгцээ нь дууссан үед татан буулгах замаар төмөр замд машин худалдаж авах ажлыг зохион байгуулсан” гэв.
МТЗ-ын нэгдсэн холбооны удирдах зөвлөлөөс 2017 оны аравдугаар сарын 31-нд АТГ-д хандсан. АТГ “шалгаж байна” гэснээс өөр хариу хэлэхгүй байна. Нийслэлийн прокурор н.Баярмагнай, Улсын Ерөнхий прокурор Л.Энх-Амгаланд хандсан. Тодорхой баримтууд гаргаж өгсөн ч хоёр жилийн хугацаанд юу ч шийдэгдсэнгүй гэдгийг давхар хэллээ.
Б.Жигжиднямаатай холбоотой баримтууд:
-1.2 сая долларын үнэтэй машиныг 1.7 сая доллараар худалдаж авсан. Ингэхдээ өөрийн орос найзын компаниар дамжуулж худалдаж аваад дараа нь өөрийн компанидаа шилжүүлжээ.
-10 жилийн өмнө худалдаж авсан вагоноо худалдаж авсан үнээр нь засуулсан.
-ОХУ-аас актлагдсан 1000 вагоныг худалдаж аван мөнгө угаасан.
-Их хэмжээний мөнгөө татвараас нуусан гэж ЦЕГ-ын Эдийн засгийн гэмт хэрэгтэй тэмцэх газраас тогтоогоод ажлаас нь халах санал өгч, хилээр гарахыг хориглсон. Гэтэл одоо ажлаа хийгээд явж л байна гэх мэт асуудлуудыг тэд дэлгэлээ.
