Та нойрны эрүүл ахуйн дэглэм барьдаг уу?

Таныг унтаж байхад чинь уураг тархи амарч, дараах өдрийн ажилд энергиэ хуримтлуулан бэлтгэж байдаг. Ийм учраас юуны өмнө нойр нь алдагдсан энергиэ нөхөн авахын тулд хангалттай үргэлжилсэн байх шаардлагатай. Орой бүр 10-11 цагаас эхлэн унтаж, өглөөд 7-8 цагт босож байх нь хамгийн ашигтай үе юм. Унтахаас 1 цаг 30 минутаас 2 цагийн өмнө хооллож ундалсан байвал зохино. Мөн унтахын өмнө тамхи татах, тослог хоол, шоколад идэх, архи, аагтай цай, кофе уух явдал тайван бөгөөд бөх нойрсоход саад болох бөгөөд эдгээр нь мэдрэлийн системийг сэргээдэг.

Унтахын өмнө тасалгаандаа цэвэр агаар оруулж байх хэрэгтэй бөгөөд өрөөндөө тогтмол цэвэр агаар оруулж заншаарай. Гурваас дөрвөн настай хүүхдэд 13-14 цаг, 5-6 настай 12-13 цаг, 7-8 настай 12 цаг орчим унтах ёстой. Үргэлж оройтох, хожуу унтах нь хортой. Хэрэв өглөө сэрээд орондоо удаан хугацаагаар босохгүй хэвтээд байвал, тэр өдөртөө бие сулран нозоорох болохыг анхаараарай. Унтахаар хөнжилдөө орохын өмнө цонхныхоо хөшгийг хааж, гэрлээ унтраан, телевиз болон бусад цахилгаан хэрэгслээ / радио, утас, хөгжим, факс, усны хаалт гэх мэт / зогсоох зэргээр гаднын цочроогч зүйлсийг бүрэн арилгах хэрэгтэй. Өдөржин өмсөж явсан дотуур хувцасаа тайлж зөөлөн даавуугаар хийсэн тусгай хөнгөн хувцас өмсөн, бие барихгүй уужим хувцастай унтах нь таны цусны эргэлтийг саатуулахгүй сайн талтай.

Унтлагын хувцас үргэлж цэвэр даавуун нэлээд нимгэндүү чөлөөтэй биеийг нухаж барихгүй, хөлс сайн нэвтрүүлдэг байвал зүгээр. Унтахын өмнө орондоо тамхи татах, ном унших маш хортой бөгөөд нойрсох үедээ гэдрэг харж хэвтэх хамгийн тохиромжтой бөгөөд баруун, зүүн ташаагаараа ээлжлэн, хөлөө ялимгүй атийж хэвтэж болно.

Харин өвдгөөрөө нугарч, атирч унтах, эсвэл хөнжилдөө шургах, нүүрээрээ дэр лүү шигдэн унтах хортой. Унтахынхаа өмнө аль болох хүч их зарцуулсан ажил хийх, ялангуяа сэтгэлийн хөдөлгөөн ихтэй хүмүүс ном унших, кино телевизор үзэх, хэрүүл хийх зэрэг наад захын тааламжгүй явдал нь нойр хулжих шалтгаан болдог. Унтахын өмнө тайван байж, өдөр юу хийснээ бодолгүй, ер нь бусадтай бага ярих хэрэгтэй. Хэрвээ таны нойр хүрэхгүй бол дээшээ харж хэвтээд гараа гэдсэн дээрээ тавьж гүнзгий амьсгалж үзээрэй. Унтахын өмнө бага ч гэсэн зугаалах нь сайн нойрсоход тус болдог юм. Хамгийн гол нь хоол идсэний дараа хэтэрхий цатгалан унтахыг завдах, унтахынхаа өмнө удаан боловсордог хоол хүнсний зүйл идэхийг цээрлэх хэрэгтэй. Харин бага зэрэг жимсний зүйл идэж болох ба алим, нар хамба, нохойн хошуутай цай уухад нойр сайжирдаг. Эрүүл агаар их ашигтай, харин яг цонхон доор унтах хэрэггүй, бээрэг хүмүүс хөлдөө халуун жин тавьж унтаарай. Ингэвэл нойр сайн хүрэх бөгөөд хучлага нь хөнгөн дулаан байх хэрэгтэй шүү. Уруугаа харж унтаж болохгүй.

Ийм байршил нь чөлөөтэй амьсгалахад саад болж нүүрэнд мөр гардаг юм. Мөн тайван нойрсохын гол нөхцөл нь сэтгэл санааны тайван байдал байдаг. Оюуны хүнд хүчир хөдөлмөрт хамаарагдах ажлыг унтахаасаа хагас цагийн өмнө дуусгаж, унтахын урьд хагас цаг, салхинд явах их ашиг тустай байдаг. Хэрвээ унтахаар хэвтэхэд нойр нь хулждаг хүмүүс бол хэвтэхийн өмнө хөл буюу бүх биеэ бүлээн усаар угаавал мэдрэлийн системийг тайвшруулан нойрсоход аятай нөхцөл бий болгодог юм. Таны нойр дутуу байх нь даамжирвал ядаргаа болж, бие сульдан янз бүрийн өвчний шинж тэмдэг илэрдэг. Биеийн байдал хэвийн байхад нойрны үргэлжлэх хугацаа төдийгүй түүний бөх байдал чухал ач холбогдолтой байдаг. Учир нь бөх унтсан хүн ихэнхдээ зүүдэлдэггүй. Уураг тархины элдэв органик өвчлөлийн улмаас нойр муудаж болно / уураг тархины хавдар, гэмтэл, тархины үрэвсэл, тархины судасны хамуурал, цусны даралт өвчин зэрэг /. Нойр муу байх нь хүмүүсийн ажиллах чадварыг бууруулж, санаа сэтгэлээр унаган, уур уцаартай, амархан ядрамтгай болгон тэр чанараараа хүний урт удаан наслахад муугаар нөлөөлж болох гол хүчин зүйлсийн нэг нь болдог байна.

Төв мэдрэлийн системийн үйл ажиллагааны түр зуурын хямрал, неврозын үед нойр муудаж болно . Бие даасан ямар нэг цочмог, архаг өвчний улмаас нойр муудах нь нилээд элбэг байдаг. Хүмүүсийн хэрэглэж буй хоол ундны зүйлээс шалтгаалан нойр муудаж болно. Эмийн төрлөөс фенамин, кофейн, ундааны зүйлээс кофег тогтмол уудаг хүмүүсийн нойр бага байдаг. Нойрсохын өмнө хэт их хоол идэх нь зүрх судас, ходоод гэдэсний үйл ажиллагаанд ихээхэн дарамт учруулж нойр хулжаадаг юм. Унтахын өмнө шингэн их уух хэрэггүй. Харин хөдөлгөөнт тоглоомоор тоглох, биеийн тамирын хөнгөн дасгал хийх, хөгжим сонсох, сэтгэлд таатай үлгэр домог ярилцах зэрэг нь тавтай нойрсоход чинь ашигтай. Бололцоогоо ашиглан хүн бүр өдрийн хоолны дараа 30 мин -. ААС доошгүй хугацаагаар унтаж амарч байхыг зуршил болговол Тун сайн Хэрэв хэвтсэн даруй нойр хүрэхгүй бол унтах гэж хичээх хэрэггүй, харин нойрны тухай бодохгүй, тайван хэвтвэл аяндаа нойрсоно. Оюутан хүн шалгалт шүүлгийн үед болон биеийн тамирын тэмцээнд бэлтгэх үед нойроо хэтэрхий хасч болохгүйг анхаараарай.

Харин оройн хоолны өмнө 1-2 цаг тайван унтахад толгой сэргэж, шөнө орой болтол хичээл давтах бололцоотой болдгийг санавал зохино. Аливаа хүн нойрны эрүүл ахуйн шаардлагыг чанд биелүүлж тогтмол цагт унтаж, тогтмол цагт босож байх нь нойрсолтын зөв дэглэм бүрэлдэн тогтоход ашигтай бөгөөд нойр муудах зовлонгоос өөрийгөө аварч чадна.

\”Байхгүй Юмгүй Ном” номноос