Санаачилсан хуулиа мэддэггүй, санаачилсан торгуулиа төлдөггүй хүн үү

 

 

 

УИХ-ын
гишүүн Л.Эрдэнэчимэг Төрийн ордныг \”Шоу цэнгээний өргөө” болгосон бичлэг цахим
орчинд тархсанаас болж томоохон дуулиан дэгдээд байна. Тамхи татаж,
согтууруулах ундаа хэрэглэж архи, тамхи, секс гурвыг сурталчилсан \”Монос”-ын
эзэн хатагтай дээрх үйлдэлдээ ард түмнээс уучлалт гуйж байна хэмээн мэдэгдэхдээ
\”Би Төрийн ордонд тамхи татсаны торгуулиа төллөө. 50 мянган төгрөг төлсөн
баримт нь энэ байна” гэж ирээд л төлбөрийн баримтаа үзүүлэв. Гэхдээ эрхэм
гишүүн энд нэгэн зүйлийг мартаад байх шиг байна.

 

 

 

 

Тамхины хяналтын тухай хуулинд
тамхи татахыг хориглосон газарт тамхи татсан иргэнийг 50000 төгрөгөөр, албан тушаалтныг нэг сарын
хөдөлмөрийн хөлсний доод хэмжээг арваас хорин тав дахин нэмэгдүүлсэнтэй тэнцэх
хэмжээний төгрөгөөр, хуулийн этгээдийг нэг сарын хөдөлмөрийн хөлсний доод
хэмжээг хорин таваас тавь дахин нэмэгдүүлсэнтэй тэнцэх хэмжээний төгрөгөөр тус
тус торгоно гэж заасан байдаг. Мэдээж тамхи татахыг хориглосон газарт Төрийн ордон
багтаж байгаа юм. УИХ-ын гишүүн Л.Эрдэнэчимэг бол албан тушаалтан. Тэгтэл
хуулинд заасан зүйл заалтын дагуу албан тушаалтны хувиар нэг сая 192000-аас 4 сая 800 мянган төгрөгийн
торгуулиа төлөхгүй \”иргэн\” гэсэн ангиллаар торгууль төлж байгаа нь түүнийг
өөрийнхөө \”санаачилсан хуулиа мэддэггүй хүн юм\” гэж бодоход хүргээд байна. Уг нь Л.Эрдэнэчимэг гишүүн Тамхины хяналтын тухай
хуулийг санаачлан батлуулсан. Тэгтэл батлуулсан хуулинхаа зүйл заалтыг
мэддэггүй, мэдсэн ч \”үл тоосон” ийм гишүүнийг үнэхээрийн хариуцлагагүй гэхээсээ
илүү хуулийн хариуцлага хүлээх чадамжгүй нэгэн гэдгийг илтгээд байх шиг.

 

Бид
мэднэ, өөрөө бэлдэж, үг үсэг бүрээр нь бичсэн тэмдэглэлээс эргүүлээд асуухад
алддаггүй. Харин хүнээр бэлдүүлсэн эсвэл энд тэндээс хам хум хуулсан юмнаасаа
шалгалтан дээр асуугдахад унадаг. Үнэндээ Л.Эрдэнэчимэгийн санаачилсан гээд
байгаа Тамхины хяналтын тухай хууль бол Оросын хуулбар. ОХУ-д тамхины эсрэг
хууль гарч \”олон нийтийн газар тамхи татсан хүнийг 50 мянган рублиэр торгоно\” гэж хэвлэл мэдээллийн хэрэгслүүд мэдээллээд эхэлсэний дараахан
Монголд тамхины хяналтын тухай хууль гэгч Оросоос \”канондсан\”, орчуулсан болоод \”копи
пасте” хийсэн хууль батлагдсан юм. Монголын төр хууль санаачилж батлуулсан
хүнийг 10 сая төгрөгөөр шагнадаг гэж байгаа. 10 саяын төлөө өнгөрсөн дөрвөн
жилд мөн ч олон \”гурилдсан”, \”канондсан” хуулиуд батлагдлаа.

 

Эдгээрээс хамгийн
ихийг нь Х.Тэмүүжин гишүүн батлуулж, хамгийн ашигтай \”халтуур” хийсэн хүнээр
тодроод байгаа бол Л.Эрдэнэчимэг шиг ганц нэгхэн \”халтуур” хийсэн гишүүд өдгөө
өөрсдийнхөө батлуулсан хуулийг мэдэхгүй явж байгаа ганцхан жишээтэй.

 

Товчхондоо, тамхины хууль гэгч нь Оросоос орчуулсан \”10 сая
төгрөгийн хөлстэй ажил\” байж. Энэ мэтчилэн 300 сая хүн амаа торгуулиар \”номхотгодог”
АНУ-ын хууль, журмыг 3 сая хүн амтай Монгол Улсад оруулж ирэх тооцоо
судалгаагүй \”халтуурын ажил”-аар Монголын хууль батлагддаг болж. Хууль
санаачилсан гишүүн нь өөрөө хуулиа мэддэггүй, хэрэгжүүлдэггүй байхаар чинь ард
иргэд яаж тэр хуулийг чинь дагаж мөрдөж, алдаа гаргасан тохиолдолд хариуцлагаа
ёс журмаар нь хүлээх вэ дээ.

 

Ам.долларын ханшийг 1000 төгрөгнөөс \”буулгадаг”
Д.Эрдэнэбат гишүүнийг Төрийн ордон дахь өрөөндөө тамхи татлаа гэж ирээд л
шүүмжилж, \”Д.Эрдэнэбат гишүүний өрөө Төрийн ордны тамхины цэг” гэж хурцаар
шүүмжилж байсан Л.Эрдэнэчимэг гишүүн өөрөө Төрийн ордныг тамхины цэг байтугай \”архи,
тамхины ордон” болгочихоод байсныг бид бүхэн бүгдээрээ харсан. Ёс зүйн алдаа
гаргасан гэдгээ ч хүлээн зөвшөөрсөн.

 

Архи, тамхи, секс гурав ярьж, сурталчилсан
энэ бүдүүлэг үйлдлийг нь Монгол Улс даяараа харж, насанд хүрээгүй хүүхдүүд ч
үзэв. Гадны хэвлэл мэдээллийн хэрэгслүүдээр ч мэдээлээд эхэллээ. Төрийн
ордонд архи ууж, тамхи татсан гишүүний үйлдэл улстөрийн соёлтой гаднынханд \”эвэртэй
туулай” харсан юм шиг содон харагдаж байгаа нь тодорхой. 

 

Төгс