Их наран улсын хаан ширээнд 31 жил заларсан Акихито өнөөдөр хаан ширээнээсээ бууж, ууган хүү Нарухито маргаашнаас хаан ширээнд залран Рэйвагийн он тооллыг эхлүүлэх гэж байгаа билээ.
Хаан ширээнээсээ буухын өмнөхөн буюу өнгөрөгч долоо хоногт түүний цорын ганц ач хүү, ханхүү Хисахитогийн хичээлийн ширээн дээрээс хоёр ширхэг хутга олджээ. Ханхүү энэ ширээнд өнгөрсөн оны хичээлийн жилээс эхлэн сууж байгаа аж.
Сургуулийн захиргаа баасан гаригийн үдийн үед ханхүүгийн ширээн дээрээс жимсний зориулалттай, бариулыг нь ягаан өнгөөр будсан хоёр хутга олдсоныг цагдаагийн газарт мэдэгджээ. Үүний дагуу цагдаагийн байгууллага ханхүүгийн сургуулийн хяналтын камерын бичлэгийг шүүж цэнхэр дуулга, барилгачны хувцас өмссөн хүн ханхүүгийн ангид орж байгааг нь тогтоосон байна.
Энэхүү хэрэгт 56 настай Каору Хасэгава хэмээх хүнийг сэжиглэж байсан бөгөөд түүнийг өчигдөр Токио хотоос холгүйхэн Канагава мужаас баривчилжээ. Үл таних этгээдийг сургуульд нэвтрэх үед ханхүү сургууль дээрэээ байгаагүй юм.
Эх сурвалж: THE JAPAN TODAY
