АНУ-н Лас Вегас хотноо “Мrs World 2019” тэмцээн зохион байгуулагдаж өчигдөр өндөрлөлөө. Энэхүү тэмцээнд Монгол улсыг төлөөлөн оролцож буй А.Дэлгэрцэцэг өндөр амжилт үзүүлж шилдэг зургаан гоо бүсгүйн нэгээр шалгарсан байна. Тус тэмцээнд дэлхийн 35 орны мисс ээжүүд оролцсон бөгөөд эцсийн шалгаруулалтад Монгол, Вьетнам, АНУ, Малайз, Украйн, Өмнөд Африк улсын миссүүд тунан үлджээ. Ингээд шүүгч нарын үнэлгээгээр Вьетнам улсын мисс бүсгүй “Mrs World 2019” титмийн эзэн болсон аж.
Монгол улсын миссийн хувьд өнгөрсөн оны зургадугаар сард зохион байгуулагдсан “Mrs Mongolia World 2018-Гоо Ээж” улсын уралдааны тэргүүн байр эзэлж, Алтан Эрдэнийн өргөмжлөлт Гоо ээж болж байсан юм. Тэрээр “make up artist” мэргэжилтэй бөгөөд дөрвөн хүүхдийн ээж юм.
Монгол бүсгүй “Дэлхийн мисс ээж”-ийн шилдэг зургаад шалгарлаа
}
Шинэ мэдээ
