Хойд Америкийн үндэсний сагсан бөмбөгийн холбооны плэйоффын тоглолтууд амжилттай үргэлжилж, бүсийн аваргууд тодроод байгаа билээ.
Өрнөд бүсээс “Голдэн Стэйт Уорриорс” баг таван жил дараалан NBA шигшээ цувралд шалгарч гайхамшигтай амжилт үзүүлж байгаа бол Дорнод бүсээс “Торонто Рэпторс” баг Канадаас NBA-н шигшээд шалгарч үлдсэн анхны баг болж байгаа юм.
“Голдэн Стэйт Уорриорс” баг бүсийн шигшээ цувралд Портлэнд Трэйл Блэйзерс багийг 4:0 шүүрдэж шигшээ цувралд шалгарсан бол “Торонто Рэпторс” баг Милоуки Бакс багтай тоглож эхний хоёр тоглолтод хожигдсон ч дөрөв дараалан хожсоноор ( 4-2 ) түүхэндээ анх удаа шигшээ цувралд шалгарч байгаа нь энэ юм.
Шигшээ тоглолтонд шалгарсан хоёр багийн тоглолтын хуваарь:
Нэг дэх тоглолт: 05 сарын 31 Торонто Рэпторс багийн талбай
- Хоёр дахь тоглолт: 06 сарын 03 Торонто Рэпторс багийн талбай
- Гурав дахь тоглолт: 06 сарын 06 Голдэн Стэйт Уорриорс багийн талбай
- Дөрөв дэх тоглолт: 06 сарын 08 Голдэн Стэйт Уорриорс багийн талбай
- Тав дахь тоглолт: 06 сарын 11 Торонто Рэпторс багийн талбай
- Зургаа дахь тоглолт: 06 сарын 14 Голдэн Стэйт Уорриорс багийн талбай
- Долоо дахь тоглолт: 06 сарын 17 Торонто Рэпторс багийн талбайд болохоор товлогджээ.
