72 суудал авч байсан намыг яагаад ч 65 суудал авч чадахгүй гэв

 

 

1996-2000 онд Ардчилсан нам анх удаа Төрийн эрх барихдаа улс орныг хэрхэн удирдаж жолоодсоныг ард түмэнд 2000 онд дүгнэж, 2000 оны сонгуулиар МАХН /одоогийн МАН/-д УИХ-ын 76 суудлаас 72-ыг нь өг байв. Тэгвэл тэрхүү намд зүтгэж явсан МАХН-ын дарга Н.Энхбаяр \”МАН яагаад ч 65 суудал авч чадахгүй. Тийм нэр хүнд байхгүй\” хэмээв. Ард түмэн 2012-2016 онд тэдний амьдралыг Ардчилсан нам хэрхэн доройтуулж, энэ хямралаас зөвхөн улстөрийн ууган хүчин, тулхтай нам МАН л улс орныг гаргаж чадна хэмээн сонголтоо хийсэн энэ.

Мөн Ардчилсан намын гишүүдийн зүгээс сонгууль булхайтай болсон эсэх асуудлаар Сонгуулийн ерөнхий хорооноос тайлбар авч СЕХ сонгууль ямар нэгэн булхайгүй болж өнгөрсөн хэмээн Ардчилсан намын гишүүдийн асуултад тухай бүрт нь тайлбар өгснөөр өнөөдөр МАН-ын 65 гишүүн, АН-ын есөн гишүүн, МАХН-ын нэг гишүүн, бие даагч нэг УИХ-ын гишүүн тангаргаа өргөснөөр УИХ-ын гишүүний бүрэн эрхийн хугацаа нь хэрэгжиж эхлэв. Ингээд тангараг өргөх ёслолын өмнө АН-ын дарга З.Энхболд, УИХ-ын гишүүн Х.Баттулга болон МАХН-ын дарга Н.Энхбаярын хамтарсан хэвлэлийн бага хурлын үеэр хэлсэн үгийг хүргэе.

 

 

З.Энхболд \”Энэ сонгуулийн үр дүнг зайлшгүй нягтлах шаардлагатай гэдэг хамгийн наад захын баримтыг та бүхэнд үзүүлье. Дархан-Уул аймагт нэг хүн хоёр удаа санал өгсөн байна. Манай бүртгэлийн байгууллага тэр хүнд хоёр удаа санал өгөх боломж олгосон байна. Намуудын ажиглагч нар энэ талаар гомдол гаргасан байсан. Гомдолд утгагүй хариулт өгсөн байсан.

Энэ юу харуулж байна вэ гэхээр сонгуулийг дээрээс нь будлиантуулсан байна. Бүх тойрог буюу 76 тойрог дээр нарийн шалгалт хийлгүйгээр чуулган хуралдуулах нь хууль бус гэдгийг дахин хэлмээр байна. Дахин нэг факт илэрлээ.

Манай ихэнх нэр дэвшигчид 60 орчим хувьтай ялж байгаад үдээс хойш гэнэт ялагдсан. Энэ бүгдийг нягталж шалгалгүйгээр чуулган хуралдуулах гэж байгаа бол туйлын харамсалтай байна. Энэ бол төрийн эрхийг хууль бусаар булаан авах гэмт хэрэг.

Зөвшилцөл хийгдээгүй. Н.Энхбаяр бид хоёрт бичиг ирсэнгүй. Одоо бид хоёр Ерөнхийлөгчтэй орж уулзана\” гэсэн юм. 

 

 

Н.Энхбаяр \”Намайг сонгуульд оролцуулахгүй байх шийдвэрийг СЕХ хууль бусаар гаргасанаас эхлэн сонгууль будлиантуулах нь тодорхой болсон. Сонгуулийн төгсгөлийн үед МАН 60 тэрбум төгрөгөөр албан тушаал худалдаж санхүүжилт босгож байгаа талаар мэдээлэл дэлгэгдээд байхад хууль хяналтын байгууллага шалгаагүй. 

Сонгуульд үнэхээр шударга санал өгсөн, шударгаар өрсөлдсөн нэр дэвшигчиддээ баярлалаа. Гэхдээ луйвар булхайн асуудал илүү их байлаа. АН-ын нэр хүнд унасан байж болно. Гэхдээ ийм хэмжээнд ортол унаагүй гэж би бодож байна. Манай нам ч гэсэн нэг суудал автлаа дор орсон нэр хүндтэй биш. МАН-д 65 суудал авах нэр хүнд байхгүй.

Энэ бүх луйвар булхайн ард МАН байгаа нь харагдаж байна. Чуулган зарлахаас өмнө энэ бүх луйвар булхайг шалгаж, гар бие оролцсон хүмүүсийг шалгаж хариуцлага тооцож ёстой. Тийм учраас бид хоёр одоо Ц.Элбэгдорж дээр орно. Ц.Элбэгдорж хууль бус зарлиг гаргаж, дэмжиж байгаа бол түүнийг энэ луйвар булхайг зохион байгуулж байна гэж хардах үндэслэлтэй\” гэв.

Х.Баттулга \”Царцаатай холбоотой цөөхөн мэдээлэл өгье. Хөвсгөл, Увс, Баянхонгор аймагт маш их хэмжээний царцаа очсон байгаа. Өчигдөр Баянхонгор аймагт шүүхийн шийдвэр гарсан. Энэ бол маш дээр үеэс зохион байгуулалттай, хүчний бүх байгууллагуудыг оролцуулсан сонгууль болсон. Сонгууль гэдэг нэрээр төрийн эргэлт хийлээ гэж харж байна\” гэсэн юм.

 

Нинж