Монгол хэвлэл мэдээллийн олигарх /зиндаа сайт, сэтгүүл, өглөөний сонин, ТВ-8 телевизийн эзэн/ Хархүүгийн Мандахбаяр Монголын сэтгүүлчдийн нэгдсэн Эвлэлийн Ерөнхийлөгчөөр сонгогдоод нэг жил дөрвөн сар буюу 480 гаруй хоног болжээ. Энэ хугацаанд тэрээр сэтгүүлчдийнхээ төлөө яг юу хийж бүтээсэн бэ. Ажиглаад байхад саар зүйл нь их юм. Тиймээс маш цөөнийг онцольё.
ПАРТ #1
1. МСНЭ гэх төрийн бус байгууллагын чиг үүрэг хазайж, даргынхаа хувийн өш хонзонгоо авах хэрэгсэл, зэсвэг болгосон нэгэн муу үйл болой.
2. Өмнө нь МСНЭ-ийн Ерөнхийлөгч ална, тална, хядаад өгье гэж орилж, хашгичиж байсныг санахгүй байна. Ер нь ёс зүйн хувьд асуудал ихтэй хүн л бусдыг алж, талах тухай ярьж аархаж явдаг бас нэгэн муу үйл болой.
3. Ингэж аархаж явахдаа хэвлэл мэдээллийн хэрэгслүүд, сэтгүүлчдийн хооронд нь хагаралдуулсан муу үйл мөн болой.
4. Энэ бол Монголын хэвлэл мэдээллийн байгууллага, тэнд ажиллагсдыг олон нийтэд маш муухайгаар харагдуулж, нүдний булай болгосон явдал нь муу үйл болой.
5. Тост, Тосон бумбад сэтгүүлчид дагуулж очоод уурхайчидтай маргалдаж, сүгсэлзэв. Сэтгүүлчдийн эвлэлийн дарга автортой Өмнөговийн хөгжил нэртэй төрийн бус байгууллагын дарга нэгэн. Яг хэний юуны эрх ашгийг хамгаалах гээд тэмцээд байгаа нь ч ойлгогдсонгүй. Уг нь уурхайчидтай бус уурхайн эзэнтэй, захирлуудтай нь, зөвшөөрөл өгсөн сайд, дарга нартай нь л тэмцэх ёстой биз дээ. Ингэснээрээ эвлэлийн Ерөнхийлөгч зүгээр сүр үзүүлсэн дэмий үйлдэлдээ хэвлэлийнхнийг ашигласан нь муу үйл мөн болой.
6. Өөрөө нүүрс зөөдөг, хөрс хуулалтын компанитай хүн байгаль орчин хамгаалагчийн дүрээр сүгсэлзээд байхаар нэг л итгэл төрөхгүй л байгаа бөгөөд энэ ч бас муу үйл болой.
7.Олон хоног хөдөөгөөр явсан, цаанаас хил давж хятадын төлөөлөгч ирсэн гээд архидах, наргих шалтгаан Х.Мандахбаярт бишгүй олон байсан биз. Түүнээсээ болж архины гүн хордлогод орсон хэдий ч “тэмцэж байгаад үхэх шахлаа” гэж олон нийтийг төөрөгдүүлэв. Гэтэл үнэндээ хордлого тайлах эмчилгээ л хийлгэсэн гэдгийг эх сурвалжууд мэдээлж байна. Тэгэхээр шарталтаараа далимдуулж, хууран мэхлэлт хийсэн нь муу үйл болой.
8.Хүндээр өвдсөн хоолой нь сааралтсан хүн хэвлэлийн хурал хийж байсныг санаж байна. Гэтэл маргааш нь мишээл татуулаад л гадагшаа зугаалахаар одов. Энд үүсгэсэн бүхий л асуудлаа хаяад шүү дээ.
Хоолой сааралтаж байгаа, нулимс дуслуулж байгаа, ПХҮҮ гээд зоригоо чангалж байгаа энэ тэр бол яг л Солонгосын савангийн дуурь гэлтэй. Монголын залуу үеийн кино найруулагч хүртэл түүний авьяасыг үнэлсэн байна лээ. Баг зүүсэн мэт хувирч чаддаг түүний эл үйлдэл муу үйл болой.
9.Тэрээр хадгаламж зээлийн хоршоотой байсан бөгөөд мянга гаруй иргэдийг хохироож, өөрөө оргон зайлж, хуулийн байгууллагад хүртэл эрэн сурвалжлагдаж байсан баримтууд нотолдог түүнийг мөн л нэг муу үйл болой.
10. Эцэст нь өөрөө удирдаж буй байгууллагаа, түүнд ажиллаж буй сэтгүүлчдээ худалдагдсан гэж зарлаад олон нийтийн шүүмжлэлд дунд яс шиг шидчихсэн нь түүхэнд байгаагүй хамгийн муу үйл болой.
Үргэжлэл бий …
