Монголчууд бид өглөөний нарыг ашиглаж чадахгүй алдаж байна. Өглөө харанхуйгаар 6:00 цагт ажил эхлээд, өдөр 14:00 цаг гээд ажил тардаг болмоор байна(Албан газар,үйлдвэр үйлчилгээ гэх зэргээс хамааран ажлын цаг 7,8 цагуудад эхлэж 15, 16 цагуудад тарах. Үүнээс үүдэн түгжрэл багасна) Үүнтэй холбогдуулан бүх автобус унаа болон бүх ТВ-ийн нэвтрүүлгүүд, зоогийн газар, цайны газрууд, баар сав бүгд одоо ажил эхэлж байгаа цагаасаа 3 цагийн өмнө үйл ажиллагаагаа эхлэх, мөн Монгол улс даяараа 21:00 цаг гэхэд амарсан байдгаар зохицуулмаар байна.(21цагаас хойш дуу чимээ гаргахгүй байх зөрчлийн хуулинд тусгаж өгөх).
Ингэвэл, хүмүүсийн ядралт болон уур бухимдал багасч, 14:00 цагаас хойш найз нөхөд, хамаатан садан, үр хүүхэддээ гаргах цагтай болно. Хөдөлмөрийн бүтээмж дээшилж, ДНБ өсөх болно. Өглөө эрт эрч хүч дүүрэн сэргэг байдаг.
Чөлөөт цагаараа хүмүүс амьжиргаагаа дээшлүүлэх / ногоо тарих гэх мэт / ажил хийх боломжтой болно. За ингээд дурдаад байвал өглөөний сэрүүнийг ашигласан үр дүн маш их байх болно. Үүнийг нэг даруйхан ажил хэрэг болгомоор байна. Мөн төрийн байгууллага болон хувийн байгууллагын ажлын өдрүүдийг 7 хоногт 2 өдөр зөрүүлэн амрааж байвал иргэд амарсан өдрөө гадуурх ажил төрлөө зохицуулаад ажлаасаа чөлөө авахгүй байх сайн талтай гэж бодож байна. Мөн компаниудын ашиг орлого ч нэмэгдэнэ.
За тэгээд үлдсэнийг нь хүмүүс коммент хэсэгт нэмж бичнэ биз дээ. Таныг өөрийн ордог болон хүмүүсийн мэдэхгүй гурваас доошгүй группэд хуваалцахыг хүсч байна. Нийтээрээ ойлгочихвол Дуугарвал дуу нэг, дугтарвал хүч нэг ард түмэн шүү дээ. Солонгосын ерөнхийлөгч сонгуульдаа ганцхан асуулт асуугаад, “Солонгос хүн тахианаас дор уу?” гэж асуугаад ерөнхийлөгчөөр сонгогдож байсан гэж уншиж байснаа сая санаад нэмж оруулж байна. Монгол хүн тахианаас дор уу? Монгол хүн адуунаас илүү хийморлог шүү!
