Хүний яс бат бөх, эрүүл байхад кальци маш чухал. Тиймээс өдөр бүр нэмэлтээр кальци хэрэглэж байх хэрэгтэй гэсэн ойлголт олон нийтийн дунд түгээмэл байдаг. Тэгвэл кальци яс бэхжүүлдэг гэсэн энэ ойлголт худлаа болохыг Британийн анагаах ухааны сэтгүүлд гарсан шинэ судалгаагаар нотолжээ. Шинэ Зеландын Анагаас ухааны профессор Марк Болланд тэргүүтэй судлаачид кальци бас ясны эрүүл мэндийн холбоог судалсан өмнөх үеийн олон арван судалгааг эргэн харж, нарийвчлан судалж үзээд кальци ясны сийрэгжилтээс хамгаалдаг, бат бэх болгодог гэсэн ямар ч үндэслэл олж чадаагүйгээ сэтгүүлд нийтэлжээ. Кальци ясанд сайн, хүнсний нэмэлт бүтээгдэхүүнээр хэрэглэж бай гэсэн өмнөх үеийн судалгаануудыг ихэвчлэн энэ талын бизнес эрхлэгчдээс санхүүжилт авсан байгууллагууд хийж байсан аж.
Британийн анагаах ухааны сэтгүүлд энэ судалгаа нийтлэгдэхээс өмнө нэртэй эрдэмтэн Роберт Томсон мөн л кальцийн талаар олон нийт маш ташаа ойлголттой явдаг талаар тусгайлан ном хүртэл гаргасан юм. Хүний яс тэр чигтээ кальциас бүтдэг гэж ихэнх хүн буруу ойлголттой явдаг. Гэтэл кальци 12 өөр төрлийн минералаас бүтдэг. Кальци ердөө л тэдний нэг нь. Эдгээр 12 минерал зохистой хэмжээнд тэнцвэртэй байх нь л ясыг эрүүл байлгахаас иш дан ганц кальци хэрэглэснээр яс бэхэждэггүй байна. Харин ч кальцийг зохист хэмжээнээс нь хэтрүүлэн хэрэглэвэл зүрхний өвчин, бөөр, цөсний чулуу, үүсгэж, жин нэмж, чихрийн шижингээр өвчилж, цусны даралт нэмэгдэх шалтгаан ч болж мэднэ гэдгийг энэ талаар мэргэшсэн нэрт доктор Томпсон сануулжээ. Хүн амын 90 хувьд кальцийг нэмэлтээр хэрэглэх шаардлага огтоос байдаггүйг тэр хэлсэн байна. Насанд хүрсэн хүн өдөрт дунджаар 700-900 мг кальци хүнснээс авч байх ёстой гэдэг. Харин Канадын эрүүл мэндийн байгууллагаас ард иргэдээ 1000-1300 мг кальци авч байхыг зөвлөдөг байна. Гэвч ийм байгууллагууд хүртэл ардаа хүнсний нэмэлт бүтээгдэхүүн, эм хангамжийн компаниудын тэтгэлгийг хүртдэг учраас өдий хүртэл хүн ардыг буруу мэдээллээр мунхруулж байна гэж мэргэжлийн хүмүүс хэлж байна.
Кальци дутагдсанаас цэвэрших насны эмэгтэйчүүдийн дунд яс сийрэгжих өвчин их байна гэдэг ч үнэн хэрэгтээ сүү, цагаан идээ их хэрэглэдэг эмэгтэйчүүд буюу олны ойлголтоор нэмэлт кальци сайн авдаг эмэгтэйчүүдийн дунд сийрэгжилт илүү өндөр байгааг харуулсан судалгаа байдаг. Энэ судалгааг 2008 онд Британийн анагаах ухааны сэтгүүлд ч нийтэлж байсан.
Доктор Томпсоны зөвлөснөөр кальци нэмэлтээр хэрэглэхийн оронд хүнсэндээ далайн давс хэрэглэж, алхах, гүйх, дасгал хийх зэргээр биеийн хөдөлгөөн сайн хийх нь ясны эрүүл мэндэд юу юунаас илүү хэрэгтэй гэнэ.
