Америкийн Үндэсний Түүхийн Музей шинжлэх ухааны цуврал бүтээл гаргадаг юм. 1941 онд тус музейн ажилтан В. Кларк Америкийн анхны уугуул нутгийн иргэд (aboriginals)-ийн талаар музейн баримтуудад үндэслэн “Нэгдсэн Улсын Индианчууд” хэмээх судалгааны бүтээл ном гаргасан байна. Арван мянга орчим жилийн өмнөх Их мөстлөгйин үед Ази тив буюу эх газраас Сибирээр дамжин Альяскт ирж, улмаар Америкт суурьшсан уугуул иргэдийг индианчууд гэдэг байжээ. Тэр эртний хүмүүс бол Монгол болон монголорхуу төрхтэй хүмүүс байсан гэдгийг түүний баг тодорхой баримтуудад түшиглэн тайлбарласан байна.
Уг номд тэр үеийн Монголчуудын ахуй амьдралдаа хэрэглэж байсан эд зүйлс, мал сүргийн занданшсан олдворууд өнөөгийн Альяскаас Америк, Перу улс хүртэлх хойноос ургашаа чиглэсэн өргөн уудам нутгаас олдсон юм гэдгийг өгүүлжээ. Альяскийн Их сургуулийн хотхонд өнөө ч тэр үеийн говь цөлд Монголчуудын хэрэглэж байсан чулуун багаж зэвсэг олдсон байна. Тэр үеийн говь цөлийн ус чийг өнөөгийнхөөс арвин дэлгэр, хөдөө аж ахуй, газар тарилан эрхэлдэг бүс байсан гэж хожим олдсон олдворуудад үндэслэн дүгнэжээ.
С.Эрдэнэбилэг
