Арван хоёр жилтний төөрөг

Замбараагүй байдлыг үүсгэгч хулгана нь шаггүй маргаанч. Олон хүний дунд байж хов зөөх сонирхолтой хулганы танил талын хүрээ маш өргөн. Харамсалтай нь итгэлтэй, дотны найз нөхөд цөөхөн байдаг. \”Хэнд ч, хэзээ ч бүү итгэ” гэсэн уриа хулганд таарна. Биеэ барих чадвартай хулгана нь асуудлаа зөвхөн өөртөө хадгална.

Бооцоот тоглоом, сайхан хоол, үнэтэй зүйлсээс татгалздаггүй хулгана ирээдүйн төлөө санаа зовдог нэгэн. Хулгана жилд төрсөн эмэгтэйчүүд аливаа зүйл цуглуулах дуртай ч зарим тохиолдолд энэ нь хэрэггүй зүйлс ч байдаг. Сэтгэх чадвар өндөр хөгжсөн хулгана нь бүтээлч байх нь ховор биш юм.

Хулгана жилтэн хамгийн сайн шүүмжлэгчдийн нэг. Эд нарын зөвлөгөөг авах нь огт буруу зүйл биш гэдгийг хэлэх нь зүйтэй. Шударга үнэнч, эхэлсэн зүйлээ бүтэхгүйг нь мэдсээр дуусгадаг нь хулганыг онцлох тал юм. Мөнхийн сэтгэл хангалуун бус байдал, өнөөдрөөр тансаг амьдрах эрмэлзлэлээ дарж чадвал амьдралдаа амжилтанд хүрдэг.

Хулгана жилтэн бүр хүнд хүчир хөдөлмөрийг бусдад үлдээн хялбар аргаар амьдрахыг хичээдэг, тиймээс ч оюуны хөдөлмөр эрхлэх нь дийлэнх. Харамсалтай нь хулганууд цуглуулахын зэрэгцээ үрэлгэн амьтад. Өөрийгөө юугаар ч хязгаарладаггүй. Хулгана жилтэн зөөлөн, романтик сэтгэлтэн. Хариу дурлалгүй ч бусдыг хайрлах нь олонтой бөгөөд сэтгэлт хүндээ их өгөөмөр байдаг. Түүний жинхэнэ төрхийг мэдье гэвэл дурласан хулганыг ажигла.

Луу, үхэр, мичтэй хувь заяагаа холбосон хулгана муугүй сонголт хийжээ. Морь жилтэнг хулганатай тохирохгүй гэдэг ч хэзээ, ямар улиралд төрсөн нь бас нөлөөтэй байдаг. Дулаан улиралд төрсөн хулганд эртний зурхайчид амьдралдаа болгоомжтой, анхааралтай байхыг зөвлөж байна.

Үхэр: 1937, 1949, 1961, 1973, 1985, 1997

Тэвчээртэй, дуу цөөтэй, биеэ барих чадвартай, тодорхой цэгцтэй үхэржилтэн өөрийн бага зэрэг бүдүүлэг гадна төрхөн дор нарийн хурц ухаанаа нууж байдаг. Хүмүүсийн итгэлийг хүлээн, сэтгэлийг нь нээтэл яриулж чаддаг нь үхэр жилтэний давуу тал. Аливаа зүйлийг тогтмол гүнзгий ургуулан боддог үхэр ганцаар байх дуртай. Гаднах тайван байдал нь хуурамч гэдгийг бүү мартаарай, энэхүү баган дор оргилж буй зан ааш байгаа. Ховор ууралдаг ч нэг уурлавал зам дээр нь таарсан бүхнийг сүйтгэж чадна.

Шинэлэг зүйлийг үзэн ядагч үхэр нэг хэвийн хэвшмэл амьдралыг сонгоно. Эрх мэдэлд туйлын дуртай үхэр жилтэн өөрийн хүрээлж буй орчин дахь аливаа шинэ, ер бусын юмыг тэвчихгүй. Үхэр жилд төрсөн эмэгтэй хүнд хоол хийж, бас хувцасаа зохицуулан өмсөж чадаж байсан ч амьдралд ер бусын, шинэ юмыг санаачилна гэдэгт бүү найдаарай.

Үхэр жинхэнэ хөдөлмөрч амьтан. Биеийн болон оюуны хөдөлмөрт сайн, маш чадварлаг удирдагч болдог. Худалдаа болон олон нийтийн ажилд муу, аялалтай холбоотой ажлаас хол байсан нь дээр. Учир нь энэ эрүүл мэндэд нь муугаар нөлөөлдөг.

Үхэр жилтэй эмэгтэй жинхэнэ гэрийн эзэгтэй, гэр бүлийн жолоодогч. Харамсалтай нь тэд бусдад ойлгогдох нь ховор, бараг үгүй. Үхэр жилтэн гэр бүлдээ эрх мэдлээ үзүүлдэг ч тэдэндээ санаа тавин хүүхдүүдээ энхрийлэн хайрлаж, тэдний төлөө юу ч хийхээс буцахгүй.

Хайр дурлалын асуудал бол үхэр жилтэнд тоглоом мэт. Үнэнч, халамжит, мэдрэмжтэй байдаг ч хэзээ ч романтик болохгүй. Энхрийлэх гэдэг ойлголт тэдэнд тохирохгүй. Гэр бүлдээ ч ялгаагүй хэтэрхий бодь байдал нь бусдыг сэтгэлээр унагаана. Үхэр жилтэн эхнэр буюу нөхрөө хардахгүй ч гэр бүлийн үнэнч байдлыг эрхэмлэнэ. Өөрөө нэг сэтгэлтэй болсон бол мөнхөд үнэнч байдаг ч, харамсалтай нь түүнийг нь үнэлэх нь ховор. Бага залуу, өсвөр насанд нь үхэр жилтэнд онцын зүйл тохиолдохгүй. Амьдралын хоёр дахь хагаст гэр бүлийн асуудал үүсч магадгүй. Тахиайтай нийлсэн үхрийн амьдрал тайван бүтэмжтэй болох бол бартай нийлж хэрхэвч болохгүй гэж үздэг байна. Өвөл төрсөн үхэр илүү азтай байдаг.

Бар: 1938, 1950, 1962, 1974, 1968, 1998

Сахилга батын ойлголтгүй бар жилд төрөгсөд огцом зантай. Удирдагч, хувьсгалч нар энэ жилд төрдөг. Бар жилтэн \”Урагшаа” гэсэн уриа гаргасан тохиолдолд бусад нь дагахгүй, бодож хөдөлсөн нь дээр, зарим үед өөрийг нь хүртэл зогсоосон нь оновтой байдаг. Бар буруу зам руу хөтлөх нь ховор биш. Түүний татах чадварт нь эсэргүүцэл үзүүлэх бараг л боломжгүй, бусдын хүндэтгэлийг хүлээж чадсан барууд дагах биш, дагуулж байдаг. Хэрэв бар жилтэн жаахан бодож, бусдын зөвлөгөөг сонсож чаддаг байсан бол амжилтанд хүрэх байсан. Төрөлхийн тэмцэгч, амиа хичээгч, зөрүүд, бусдад үл итгэдэг бар зорилгодоо хүрэхийн тулд бүх юмаа зориулж чаддаг.

Бар жилтэн дандаа юмны урд явдаг, тогтоосон засаглалыг үзэн ядаж, албан тушаалыг үл тооно. Эрсдэлтэй юм бүхнийг сонирхогч тэрээр сайн дарга, үйлдвэрийн эзэн, аймшигт гэмт хэрэгтэн ч болж чадна. Сонирхолтой нь, чухал шийдвэр гаргахгүй өөрийгөө оторлох зан түүнд байдаг. Хэзээ ч мөнгө хөрөнгийг шууд сонирхохгүй ч эд хөрөнгийг бий болгож чадна. Өөртөө эрх мэдэл, давуу эрх олж хүсэлдээ хөтлөгдөн хэвшмэл, тогтсон юм бүрийн эсрэг тэмцэнэ.

Бар жилтэнг гэнэтийн явдлаар дүүрэн амьдрал, бусдаас онцлог хувь заяа хүлээж байна. Маш гүнзгий дурлаж чаддаг ч хайр сэтгэлийн талд азтай байх нь ховор. Үнэнч морь, хүчит луутай нийлбэл бар жилтэнд эерэг, өөрөөс нь давуу ухаантай могой, зальт мичтэй нийлэхгүй байхыг зөвлөж байна.

Туулай: 1939, 1951, 1963, 1975, 1987, 1999

Ази тивийн улс оронд туулай жилтэнд итгэдэггүй, европчууд \”чөтгөрийн элч” гэж үзэн галдан шатаадаг байсан бол эртний Египетэд хүндэтгэл хүлээдэг байжээ. Буг чөтгөр байна уу, бурхан байна уу, эсвэл хүн байна уу, туулайн сул дорой царай хуурамч гэдгийг бүү март. Шаардлагатай үед хүчит тэмцэгч, аюулт дайсан болж чадна.

Авъяаслаг, даруухан, тусархаг, сайн ярих чадвартай, өөрийгөө үнэлж мэддэг зантай азтай хүмүүс туулай жилд төрөх нь цөөнгүй. Энэ бүх сайн талуудын дунд ганц муу юм байдаг. Үүнийг өөрөө ч, бусад нь ч андахгү: туулай жилтэн аливаа юманд өнгөцхөн хандах талтай.

Тайван, биеэ барьж чаддаг туулай өөрт нь тохиолдох жижиг зүйлээс болж хямралд орж сэтгэлээр унан уйлах нь элбэг ч, амархан мартана. Ертөнцөд болж буй гамшиг, дайн дажин зөвхөн өөрт нь хамаатай тохиолдолд л туулай санаа зовно. Туулай хуучинсаг үзэлтэн, амьдралын хэв маягийг өөрчлөх, ялангуяа хүндрүүлэх зүйл бүрээс эмээн үзэн яддаг. Эрсдэлээс бүрэн зайлж, сөрөг эерэг талыг дүнгэж шийдвэр гаргадаг нь бусдыг татах нэг хүчин зүйл болдог.

Санхүүгийн хувьд одтой. Туулай жилтэн ажил хэрэгч тул сайн худалдаачин, хуульч, дипломат болж чаддаг. Хэрэв улс төрч хүн өөрийн эхнэрээр туулай жилд төрсөн эмэгтэйг сонгосон тохиолдолд түүний ажил, алба давших нь эргэлзээгүй. Зөөлөн, тусархаг туулай бусдын төлөө юуг ч харамладаггүй ч гэр бүлдээ хүлээх үүргээ умартах явдал цөөнгүй. Туулай, нохой болон гахай жилтэнтэй нийцтэй. Хулганаас аль болох хол байх хэрэгтэй.

Луу: 1940, 1952, 1964, 1976, 1988, 2000

Луу жилд төрсөн хүмүүс амьдралын эрч хүч, идэвхээр дүүрэн байдаг. Бусдад нээлттай луу жилтэн урвалт, худал хуурмаг байдал, муу хэлэхийг тэвчдэггүй бөгөөд эдгээр хүмүүст наад захын дипломат зан байдаггүй. Аливаа зүйлд амархан автандан сонирхдог хүмүүс энэ жилд төрсөн байдаг. Олон талын авъяастай, ухаантай, тэсвэр тэвчээртэй, нөлөө бүхий, хүнийг хайрлан өршөөх чадвар бүхий хүмүүс.

Луу жилтэн гахай жилд төрсөн хүмүүс шиг гэнэн биш ч гэсэн амархан хууртагддаг. Луу жилтэй хүмүүс маш эмзэг, хэрэггүй юманд санаа зовох нь элбэг. Энэ жилд төрсөн хүмүүс бусдад болон өртөө өндөр шаардлага тавьдаг боловч өөрөө нэхэж буйгаас илүү ихийг өгч чаддаг. Огцом ууртай луу жилтний хэл ам нь зарим тохиолдолд бодлоосоо түрүүлж байдаг ч өгч буй зөвлөгөөг нь сайтар сонсох нь зүйтэй, учир нь тэд сайн зөвлөгч.

Амьдралын турш уг жилд төрсөн хүн ямар нэгэн гачигдал үзэхгүй явна. Жүжигчин, санваартан, улс төрч хэн ч болсон амжилтанд хүрнэ. Харамсалтай нь луу жилтэн муу юм хийхдээ сайны нэгэн адил амжилт үзүүлдэг билээ. Нэг үгээр: Луу жилтэн-ялагч!

Хайр дурлалын хувьд луу жилтэнг бусдад хайрлагдах нь их байдаг боловч өөрөө хайрлах нь ховор. Хайр дурлалаас болж сэтгэл санаагаар унах, зовлон бэрхшээл гарах явдал луу жилтэнд байж боломгүй зүйл. Луу жилд төрөгсөд залуугаараа гэр бүлтэй болох нь ховор бөгөөд ганц бие амьдрах сонирхолд хөтлөгддөг. Үүндээ ч сэтгэл хангалуун байдаг.

Луу жилтэнгүүд хулгана жилд төрсөн хүмүүстэй зохицон амьдардаг, учир нь сэтгэлээ өгсөн хулганууд луу жилтнээс гарч буй бүхий л зүйлийг тэвчих чадвартай байдаг. Могой, тахиа жилтэнгүүд луутай эв дүйгээ хялбар олж хамтын амьдрал зохион байгуулах нь элбэг байдаг. Мич жилд төрсөн хүмүүстэй луу жилтэн сайн зохицдог боловч мичээс болгоомжлох нь зүйтэй, учир нь лууг авгүй байдалд оруулж чадах цорын ганц жил бол мич.

Могой: 1941, 1953, 1965, 1977, 1989, 2001

Нар хиртэх зүгийн орнуудад могойг муугаар төсөөлдөг бол Ази тивд харин могой гүн ухаан, алсын хараа, тэмцэх чадварын бэлэгдэл хэмээн үздэг. Могой жилд төрсөн эрчүүдийн ухаан, найдвартай байдал, тааламжтай харьцаа, хошин шогч занг нь үнэлдэг бол эмэгтэйчүүд нь олны дунд гоо сайхнаараа хүндлэгддэг.

Могой жилтэн ганган дэгжин хувцаслах дуртай. Олон үггүй, гүнзгий, их боддог, оюуны өндөр чадавхитай гүн ухаантнууд энэ жилд төрдөг. Эдгээр хүмүүс ухаантай ч энэ чанар нь могой жилд төрсөн хүмүүст байхгүй байсан ч болох талтай, яагаад гэвэл мэдрэмж, зөн билиг нь маш сайн хөгжсөн байдаг. Өндөр боловсрол эзэмшсэн могой жилтний зөн билиг нь зарим тохиолдолд гайхшрал төрүүлэхээр оновчтой байдах нь ховор биш юм. Могой жилтэн бусдад итгэхээс илүүтэйгээр өөрийн мэдрэмжид итгэдэг. Түүнд зургаа дань мэдрэхүй байдаг гэвэл хилсдэхгүй.

Могой жилд маш шийдэмгий, аливаа зүйлийг төгсгөлд нь хүргэдэг, хийж буй ажил нь бүтэлгүй, амжилтгүй байна гэдгийг үзэн яддаг. Могойнууд төрөлхийн тайван боловч шийдвэрийг маш түргэн гаргадаг билээ. Өөрийн зорилгод хүрэхийн тулд замд таарах саад тотгор бүгдийг эвдэн юу ч хийхээс буцахгүй байх нь могой жилтэний онцлог юм.

Могой жилтэн зээл өгөх дургүй ч таалагдсан хүндээ өөрийн санаачлагаар тусламж үзүүлдэг. Мөнгө санхүүгийн хувьд могойнууд санаа зовох зүйлгүй, мөнгө хэрэгцээтэй үед олж чаддаг. Хөгширсөн үедээ зарим могойнууд нарийн харамч болох төлөвтэй байдаг.

Могой жилтэн ямар ч ажил болон ажлын хэмжээнээс айдаггүй ч залхуу хүмүүс юм.

Хайр дурлалын хувьд могойнууд өөрсдөө сонголт хийдэг. Эмэгтэй эрэгтэйгээс үл хамааран могой жилтэнгүүд гэр бүлээс гадуур харилцаа тогтоох нь цөөнгүй байдаг. Уг зангаа татаж өөрчлөгдвөл тэдний амьдрал төгс төгөлдөр, амар амгалан болох юм.

Могой жилд төрсөн хүмүүс үхэр, тахиа жилтэнтэй ивээл. Бар жилд төрөгсөдтэй нийцэхгүй, бар бол могойн сүйтгэгч.

Морь: 1942, 1954, 1966, 1978, 1990, 2002

Морь жилтэн өөрийгөө сайхан талаасаа харуулж чаддаг. Олон нийтийн цуглартсан газар (концерт, театр г.м.) байх дуртай. Сайхан зантай, яриа их, нүдэнд дулаахан морь жилтэн хүмүүст таалагддаг. Хүмүүсийг удирдах чадвартай морь жилтэн улс төрд орсоноор амжилт олно. Морь жилд төрөгсөд оюуны болон биеийн хөдөлмөрийг ялгаагүй эрхлэх чадвар бүхий хүмүүс байдаг. Морь жилтэн ухаанаас илүү авхаалжтай байдаг, өөрөө ч үүнийгээ мэддэг. Энэ нь тэдгээрт өөртөө итгэлгүй байх нэг үндэслэл болдог ч олны өмнө өөртөө итгэлтэй харагдаж чаддаг.

Морь жилтэн халуун цустай. Энэ чанар нь тэдгээрийн хувьд хор хөнөөлтэй бөгөөд уураасаа болоод хүрсэн зүйлдээ алдах нь элбэг тохиолддог. Аливаа ажилд амжилтанд хүрэхийг хүсвэл морь жилтэн уураа барих хэрэгтэй. Олон ааштай морь жилтэн аливаа нэгэн ажлыг эхлэн дуусгахгүй хаяг нь элбэг. Хэсэг хугацааны дараа нөгөө ажлаа шинээр, шинэ эрч хүчээр эхэлдэг нь энэ жилд төрсөн хүмүүсийн сайн тал нь биш юм.

Морь жилд төрсөн хүмүүс хувиа хичээгч нар юм. Ямар нэгэн зөвлөгөө сонсох, авах дургүй эдгээр хүмүүс зөвхөн өөрт хэрэгцээт зүйлийг сонирхон, өөрийн зорилгодоо хүргэхийг эрмэлзэн , бусдыг үл тоон зүтгэдэг ч түүний ажлын үр дүнг бүгд хүртэнэ.

Эсрэг хүйсийн хүнтэй харьцахдаа морь жилтэн бууж өгдөг, хайр дурлалын төлөө бүхнийг хаяхад бэлэн байдаг. Иймээс ч тэд амьдралдаа алдах нь элбэг, уг зангаасаа салж чадсан тохиолдолд амжилт гаргаж, аз жаргалтай байх бүрэн үндэслэлтэй. Морь жилд төрсөн хүмүүс бар, нохой жилд төрөгсөдтэй сайн холбоо тогтоож чаддаг. Ямар ч тохиолдолд хулганатай холбогдох нь хоёр талдаа харш.

Морь жилтний амьдралын өсвөр болон дунд үе олон гэнэтийн тохиолдлоор дүүрэн байх боловч насныхаа 3 дахь үедээ тайван амьдралдаа шилжинэ.

Хонь: 1943, 1955, 1967, 1979, 1991, 2003

Байгальд дуртай, биеэ авч явах чадвар бүхий хонь жилтэн гутранги үзэлгүй, сандруу, юм болгонд эргэлздэггүй байсан бол 12 жилийн хамгийн сайхан жил байсан болов уу. Өөрийн амьдралдаа хэзээ ч сэтгэл хангалуун бус хонь нь хүрээлж буй орчиндоо хувирамтгай аашаар сөргөөр нөлөөлж хүмүүсийг залхаадаг. Хонь жилтэн мухар сүсэгтэй байх нь их, ер бусын зүйлд итгэж сонирхдог. Зөөлөн, тусархаг, өгөөмөр хүмүүс энэ жилд төрдөг.

Сахилга батын хэмжүүр огт үгүй, цаг барина гэсэн ойлголтгүй хонь жилтэн хүсвэл бусдад таалагдаж чаддаг. Эрсдэлээс хамгаалсан өчүүхэн зүйлд байсан тохиолдолд эдгээр хүмүүс нь орчиндоо дасан зохицох чадвар өндөртэй. Өөрт нь зөвлөж, чиглүүлж, өөрийг нь удирдаж, зовлонг нь сонсож байвал дуртай хонь жилтэн аль чиглэлийг сонгохоо хэзээ ч өөрөө мэддэггүй, бусдад найдаж явдаг юм. Хонь жилтэнгүүд хариуцлага бага, урдирдах чадвараар тааруу ч аливаа нэг салбарт нэрд гарах нь ховор тохиолдол биш. Энд нэр ухаалаг, гэхдээ хэзээ ч эхний эгнээнд явахгүй, хонь жилтэнд удирдагч хэрэгтэй.

Худалдаанаас хол байхыг эртний судлаачид зөвлөж байна, угаасаа худалдааны авъяасгүй хонь жилтнээс юм худалдаж авах нь бараг үгүй.

Хонь бол эмэгтэй хүнд зохистой жил. Тайван, баян тансаг гэр бүлийн амьдрал эсвэл найз нөхрийг мөрөөдөгч хонь жилтнүүдээс зартай нууц амраг, олны хайрыг хүлээсэн жүжигчин, цуут зохиолч нар гарах нь цөөнгүй байдаг. Тэдний хувьд их зүйл аз завшаанаас хамаардаг гэвэл хилсдэхгүй билээ.

Хонь жилтэн амьдралын турш хайр дурлалын асуудалтай орооцолдох бөгөөд тайван амьдрал үзэхгүй нь олонтой. Гахай, морь, туулайнууд хонь жилтэй эерэг сайн. Бусад жилийнхний хувьд хонь жилд төрөгсөдийн олон ааш давж гарахгүй саад юм.

Мич: 1944, 1956, 1968, 1980, 1992, 2004

Нийтэч, тусархаг, олны дунд содон харагдаж чадах мич жилтэн харамсалтай нь бусдыг үл тоомсорлосон дээгүүр үзэлтэй, зальтай, зөвхөн хувийн ашиг сонирхолыг бүхнээс урдаа тавьсан байдаг.

Мич жилтэн мэдлэгт тэмүүлдэг нэгэн, маш олон зүйл уншиж, хорвоод юу болж буйг мэдэх гэж зүтгэдэг. Ой сайтай мич сайн боловсрол эзэмших нь цөөнгүй. Энэ чанар нь замбараагүй мичийн амьдралд тус нэмэр болдог. Мич жилтэний сэтгэх чадвар маш сайн хөгжсөн тул ямар ч байдалд асар богино хугацаанд шийдвэр гарган хүнд байдлаас гарч чаддаг. Санхүүгийн томоохон асуудлыг шийдвэрлэх, өөрөөр хэлбэл, гүйлгээ ухаан шаардсан ажилд мичүүд онц сайн ажилтнууд байдаг. Сайн боловсрол эзэмшсэн бол улс төр, дипломат, худалдаа, үйлдвэрлэл г.м. нийгмийн бүхий л салбарт мич амжилт гаргах чадвартай.

Хувийн сонирхолд нийцэж буй тохиолдолд мич жилтэн хаана ч, хэзээ ч худал хэлэхэд бэлэн байдаг. Хариуцлага хүлээхгүй гэсэн тохиолдолд уг жилд төрсөн хүмүүс өөрийн төлөө шударга бус үйлдэл хийхээс буцдаггүй. Зарим нэгэн мич жилтнийг уг жилд төрсөн хүмүүс өөрийн төлөө шударга бус үйлдэл хийхээс буцдаггүй. Зарим нэгэн мич жилтнийг уг чанар нь буруу замаар будаа тээхэд хүргэдэг ч энэ жилд төрсөн хүн бүр худалч, зальжин гэвэл өрөөсгөл ойлголт болох бизээ. Ер нь юу ч болсон эдгээр хүмүүст уурлаад хэрэггүй, учир нь мичнүүд хүн татах увидастай. Олон төрлийн муу талтай ч мич жилтэнтэй хурц ухаанаас нь болж үерхэх нь олонтой.

Тахиа: 1945, 1957, 1969, 1981, 1993, 2005

Тахиа бол жинхэнэ мөрөөдөгч. Энэ жилд төрөгсөд мөнхийн үл бүтэх мөрөөдөлд хөтлөгдөн явдаг. Сайхан мөрөөдөж, өөрийгөө баатар мэд төсөөлөх нь олонтой боловч үүнийгээ зөвхөн тухтай орчинд, гэртээ сууж байгаад мөрөөдөхөөс хэзээ ч хэрэгжүүлдэггүй. Тахиа жилтэн адал явдал хайч мэт санагдавч энэ нь хуурмаг юм. Хувиа хичээгч тахиа жилтэн бусдыг хайрлахгүй. Үгээ цэгнэж сураагүй тахиа хэтэрхий ширүүн хэлэх тохиолдол олон. Энэ нь түүнийг дипломат албанд тохирохгүй хүн болгодог.

Олны анхаарлын төвд байж, бусдаас онцгой харагдах хүсэл нь их. Хэнд ч үл итгэн зөвхөн өөртөө найддаг, мөн бусдад зөвлөгөө өгөх туйлын дуртай.

Тахиа жилтэн зоригтой нэгэн билээ. Шаардлагатай үед амь эрсдсэн үйлдэл инээмсэглэж байгаад ч хийхээс буцахгүй. Тиймээс эд нараас сайн дайчид бий болдог. Хийснээ хэртүүлэн ярих нь гэм биш зан юм. Үе үе залхуу зан гаргадаг ч үндсэндээ бол тахиа хөдөлмөрч билээ. Өөрийн хүчийг хэтрүүлэн үнэлж, чадахгүй зүйлээ эхлэн үр дүнд хүрэхгүй сэтгэлээр унах нь тахиа жилд төрөгсдийн зан чанар юм.

Зүгээр сууж байгаад юм олдог хүмүүсийн тоонд тахиа жилтэн орохгүй, зөвхөн өөрийн тасралтгүй хөдөлмөрөөр юманд хүрнэ. Харин мөрөөдөх зан нь хөдөлсөн тохиолдолд хамаг үүргээ умартан хоосортлоо суух явдал тахиа жилтэнд тохиолддог. Энэ жилд төрөгсөд санхүү, мөнгөний хувьд тооцоотой хандах байхгүй бол дампуурлын аюул түргэн нүүрлэнэ гэдэгийг оддын байршил анхааруулж байна. Олон нийттэй харьцах, хөдөө аж ахуйн салбар тахиануудад тахиорсон ажлын талбар юм.

Тахиа жилтний амьдрал тэгш үргэлжлэхгүй юм. Ядуугаас баян, цэвэр ариун хайраас худал хуурмаг явдал хүртэл тэдний амьдралд бүх л зүйл тохиох болно.

Хайр дурлалын хувьд тахиа жилтэн сэтгэлт хүнийхээ төлөө тэцэж байж ханиа олж авна. Харамсалтай нь энэхүү харьцаа нь удахгүй байх төлөв өндөр, учир нь тахиа жилтний сонгосон хүн нь түүний мөрөөдөлд хүрдэггүй. Үхэртэй нийлсэн тахиа аз жаргалыг эдэлнэ. Могойтой тахиа нийлэмж сайтай ч могой болгоомжлох хэрэгтэй. Учир нь могой тахианаас илүү гарахыг тахиа хэзээ ч хүлээн зөвшөөрөхгүй.

Нохой: 1946, 1958, 1970, 1982, 1994, 2006

Нохой хэзээ ч амардаггүй, дандаа харуулд байдаг. Дотоод сэтгэлээ илэрхийлэх нь ховор нохой жилтэн туйлын зөрүүд. Хурц шүүмжлэлтэй тул бусад нь түүнээс зай барина. Заримдаа шүүмжлэл нь хэтэрсэн ч байдаг. Байгалаас заясан шударга зан нь түүнийг үнэнч шударгын тууштай тэмцэгч болгоно. Түүхээс харахад, эрх чөлөө, шударга ёсны тэмцэгч нарын дийлэнхи нь нохой жилд төрсөн байдаг. Нохой жилтэн хэзээ ч шударга бус эсвэл хууль бус зүйлийг талд орохгүй.

Бусдын төлөө гэсэн сэтгэлгээ хамгийн их хөгжсөн амьтан учир хамгийн их хүндэтгэл хүлээдэг. Хошин шогч зан нь олны анхаарлыг нохой жилтэнд татах боловч өөрөө олон нийт цугларсан газарт дургүй. Сэтгэл хөдлөл багатай хүйтэн харагдах боловч түүнд хүнд байж болох сайн сайхан чанарууд бүгд л бий. Найдвартай, даруухан, хариуцлагатай, хэзээ ч урвахгүй. Нууц хадгалах тал дээр нохой жилтнээс илүү хүн байдаг болов уу. Хүнийг сонсох чадвараар бусдаас илүү тус бусдын итгэлийг авдаг.

Гүн гүнзгий ухаантай боловч өөрийн санааг тэр болгон илэрхийлж чаддаггүй. Оюун чадавхи өндөр хөгжсөн тул амьдралын материаллаг талыг тэр бүр анзаардаггүй хэдий ч мөнгө хөрөнгө шаардлагатай үед хэзээ ч тусламж авахгүй өөрийгөө дээд зэргээр болгоно.

Энэ жилд төрөгсөд сайн удирдагч. Үйлдвэрлэгч, санваартан, хүмүүжүүлэгч болж чадна. Шулуун шударга зан, ажиллах чадвар нь түүнийг бусдын дунд онцгой содон харуулна.

Хайр дурлалд цэвэр ариун, шударга, үнэнч. Морь, бар жилтэнтэй нийлбэл амьдрал нь тэгш, тайван өнгөрнө. Өдөр төрсөн нохой жилтэн шөнө төрсөнөөсөө тайван, амгалан байна.

Гахай: 1947, 1959, 1971, 1983, 1995, 2007

Хэрээс хэтэрсэн үнэнч, тусархаг гахайд та итгэж болно. Гэхдээ зөөлөн, сул дорой байдал нь зөвхөн гаднах төрх. Амар амгалан царай дор эрх мэдэлд дуртай хүн байдаг гэдгийг гахай жилтний тухайд мэдэж явах нь илүү биш юм. Аливаа зорилгод хүрэхийн тулд өөрт байдаг бүх хүч чадлаа зарцуулна. Хэрэв гахай жилд төрсөн хүн ямар нэгэн шийдвэр гаргасан бол түүнийг юу ч зогсоож чадахгүй. Гэхдээ шийдвэр гаргахаас өмнө маш удаан бодож, боломжийн бүх л эрсдэлийг тооцохыг хичээнэ. Зарим тохиолдолд удаан бодсоор ажлаа алддаг. Байгалаас заяасан сайн тогоочийн авъяастай ч өрсөлдөх сэтгэлгээгээ тэр болгон харуулдаггүй.

Гахай жилтэн цөөн найз нартай ч эдгээр нь насан туршид хамт байна. Зугаатай сайн нөхөр, олны дунд сонирхолтой байж, нэг яриад эхэлбэл сэдвээ суустал нь ярьж санаа нь амардаг. Гахай жилийн эмэгтэйчүүд бэлэг өгч, баярт үйл явдал зохион байгуулах дуртай. Гэрийн сайн эзэгтэй гахай жилтэй эмэгтэй танд сэтгэлтэй бол хэзээ ч тантай маргахгүй. Энэ жилд төрсөн эмэгтэйчүүд сайн эх болдог.

Мэргэжлээс үл хамааран гахай жилтэн ямарч ажилд сэтгэл гаргаж дуустал хийдэг. Мэдрэмж сайтай гахай жилийнхэн урлаг, утга зохиолд амжилт олдог. Материаллаг талаас өөрийн амьдралд шаардагдах зүйлсийг тэд хялбар олно. Гахай жилд төрөгсөд амьдралын турш тусламж дэмжлэг авснаар санхүүгийн салбарт амжилт олох магадлал өндөр байдаг.

Гахай жилтэн оюуны өндөр чадавхитай. Маш их хэмжээний ном уншдаг ч харамсалтай нь замбараагүй, тааралдсанаа уншдаг. Гаднаас харахад мэдлэг, боловсрол өндөр харагддаг ч өнгөцхөн байх нь ховор биш юм.

Тэдний амьдралын эхний хэсэг тайван өнгөрөвч гэр бүлийн амьдралд асуудал гарч болзошгүй. Гэхдээ угаас нэрэлхүү гахай жилтэн нэг ч хүнээс тусламж гуйхгүй ганцаар асуудлыг шийдвэрлэхийг хичээнэ. Хайр дурлалын хувьд гахай жилд төрсөн хүмүүсийг бусад нь хайрлах боловч хуурах явдал бас цөөнгүй гарна. Туулай, хоньтой нийлбэл эерэг сайн. Могой жилтнаас болгоомжлох хэрэгтэй.