![\"\"](http://undesten.mn/uploads/posts/2017-05/1495675806_anh.png "\\"\\"")
-1 тэрбумын гэрээ, 5-6 мянган долларын сарын цалингаас татгалзаж байдаг чи мөн тэнэг хүн ээ гэж би түүнд тоглоомоор хэлсэн.
\”Асгаруулсан хөлс, дуслуулсан нулимс минь Монголын газар шороонд шингэсэн. Аав, ээж минь эх орныхоо төлөө зүтгэнэ гэж тангараг өргөсөн цэргийн хүмүүс. Өдий хүртэл шүд зуун зүтгэж байсан ганц шалтгаан минь Монголынхоо нэрийг дэлхийд дуурсгах. Олимпийн алтан медаль авчихаад зогсож байхад Монголын минь далбаа мандаж байвал мөрөөдөл минь биелнэ. Харин мөнгө төгрөг тийм ч чухал биш шүү дээ\” гэж санхүүгийн асуудлаас болж дасгалжуулагчгүй ганцаараа харийн орныг зориод Монголынхоо нэрийг өндөрт өргөж алтан медалийг нь аваад ирсэнийхээ дараа М.Анхцэцэг надад ингэж хэлж байв.
Өнөөдөр түүнтэй уулзахад \”15-хан настай дүүгээ өвдөж шаналж байгааг нь хараад болдог бол өмнөөс нь өвдөхсөн гэж дэмий л нулимс унагах юм. Гэхдээ ээжийнхээ санааг зовоохгүй гэж нулимсаа нуун арчаад \”бүх зүйл сайхан болноо\” гэж хэлдэг. 65 сая төгрөг бидэнд байхгүй ч эх орон, элгэн садан Монголчууд минь байгаа шүү дээ. Олон хүмүүс \”тэр үед зөвшөөрөх л байсан юм\” гэдэг ч би гаргасан шийдвэртээ одоо ч эргэлзэхгүй байна. Би заавал Монголынхоо нэрийг дэлхийд дуурсганаа\” гэж тэрээр инээмсгэлэн хэлж байна.
Тэр Монголоо орхиогүй шиг бид ч бас түүнийг хүнд үед орхих учиргүй. Бид Монголчууд гэдгээ харуулах цаг ирлээ. Та бүхний сэтгэл шингэсэн ердөө л 3000 төгрөг түүнийг, түүний гэр бүлийг дахин элэг бүтэн болгоно. М.Анхцэцэгийн дүүд тусалцгаая. Хандивын аянд нэгдэж охидын ээж Д.Мөнхчимэгийн нэр дээрх Хаанбанк 5071320523, Худалдаа хөгжлийн банк 451038475 дансанд сэтгэлийн хандиваа өргөцгөөе Монголчуудаа.
![\"\"](http://undesten.mn/uploads/posts/2017-05/1495675702_1491326257_1471824471_logo1.jpg "\\"\\""){kind=logo}
