Монголбанкны захиалгаар Лихтенштейн улсын “Coin Invest Trust” компани түүхэн алдарт хүмүүст зориулсан алтан зоос үйлдвэрлэж байна. Энэ удаад Латин Америкийн хувьсгалч Че Геварад зориулсан зоос гаргажээ.
Эрнесто Че Гевара 1928 онд Аргентинд төрсөн, 1959 оны Кубын хувьсгалын удирдагчдын нэг, Кубын улстөрийн зүтгэлтэн билээ. Алтан зоосны нүүрэн талд Че Геварагийн алдарт малгайтай зургийг дүрсэлж, 2018 гэж бичсэн байна. Ар талд нь Монгол банкны лого, 1000 төгрөг, Монгол гэсэн бичигтэй.
Түүхэн хүмүүст зориулсан цувралын гурав дахь зоос нь энэ бөгөөд өмнө нь Чингис хаан, Кубын удирдагч Фидель Кастро нарт зориулсан зоос гарч байв.
Улс: Монгол
Үйлдвэрлэсэн он: 2018
Хэмжээ: 1000 төгрөг
Үнэт металл: алт 999.9
Жин: 0,5 гр.
Диаметр: 13.92 мм.
Ширхэг: 5000 ширхэг
