ЖИНГИЙН ИЛҮҮДЛЭЭС СЭРГИЙЛЖ ЧАДНА
Хаа сайгүй л турах хүсэлтэй хүмүүс, янз бүрийн эм тан, бэлдмэл хэрэглэж хэрхэн турах тухайгаа бие биетэйгээ ярилцана. Тэдгээр зүйлсдээ маш их мөнгө төгрөг зарлагдаж эцэст нь өөрсдийн бие махбодиороо хохирч үлдсэн тохиолдол цөөнүй байдаг. Үүний оронд хамгийн үр дүнтэй бөгөөд зарлагагүй арга бол алхах юм. Явган алхахыг өөрийн амьдралын нэгэн хэвшил болгож чадвал жингийн илүүдлээс сэргийлж чадна. Өдөрт тогтмол 30 минут алхаж чадвал 7 хоногийн дотор хагас кг турах боломжтой. Мөн өөрийн жингээ хэвийн хэмжээнд нь барихыг хүсэж байвал тогтмол алхахад л хангалттай.
АМЖИЛТЫН ЭХЛЭЛ
Алхаж явахад хамгийн сайхан санаанууд орж ирдэг. Магадгүй та алхаж явахдаа шинэ бизнес санаагаа олох ч юм билүү. Хүн өөрөө өөртэйгээ ярилцах цагийг өдөрт гаргаж байх хэрэгтэй гэдэг. Тэгвэл өдөрт алхах 30 минутын хугацаандаа өөрөө өөртэйгээ ярилцаж, бодож тунгаах боломж олддог
БУХИМДАЛ МИНЬ БАЯРТАЙ
Алхах нь хүний сэтгэл санааг өөдрөг болгодог. Шалтгаан нь зүрх судасны үйл ажиллагаа сайжирч буйтай холбоотой юм. Мөн цусны эргэлийг сайжруулж, бодисын солилцоог идэвхижүүлдэг.
ӨГЛӨӨНИЙ НАРНААС ЭНЕРГИ АВАХ
Өглөөний ургах нарнаар алхах нь хамгийн тохиромжтой. Учир нь энэ үеэр авто замын хөдөлгөөн бараг л хоосон байдаг учир энэ үеийг ашиглаад аваарай. Гайхалтай эрч хүчийг ургах наран, өглөөний цэнгэг агаараас мэдрэх болно.
НАС УРТАСНА
Нэг минут алхахад хүний нас мөн тэр хэмжээгээр нэмэгдэнэ гэдэг. Хэрвээ та урт удаан эрүүл энх амьдрахыг хүсэж байвал явган алх. Хүрэх газартаа очихоос хоёр буудлын өмнө буугад явган алхаж оч. Асуудлыг ингээд л амархан шийдчихэж болно.
ХУРДАН АЛХ
Хэдий чинээ хурдан алхана, төдий чинээ их калори шатаана гэсэн үг. Эхний ээлжинд удаан алхаж биеэ халааж байгаад аажим аажмаар хурдаа нэмж алхаарай.
Та жаахан л хичээвэл амжилтанд хүрэхэд ойрхон байна.
