Вьетнамд эмч нар өвчтөний хамарнаас хачирхалтай амьтан гарган авсан бичлэгийг Daily Mail –ийн сайтад нийтэлжээ. Тус орны баруун-хойно байх Лаока тосгонд аравдугаар сарын эхээр энэ бичлэгийг хийсэн бөгөөд эмч нар гар чийдэн болон хямсааны тусламжтайгаар өвчтөний хамарнаас нэгэн үл мэдэгдэх амьтаныг гарган авчээ. Энэ амьтан амьд бөгөөд түүнийг сугалан гаргахад ч хөдөлсөөр байгаа нь харагдана. Сүлжээнд тавигдсан тайлбаруудыг харахад энэ амьтан хануур хорхойтой адил цус сорогч бөгөөд чухам ямар тохиолдолоор хэрхэн энэ эрийн хамарт орсон нь тодорхойлогдоогүй байна.
Өмнө нь аравдугаар сарын 9-нд Хятадын нэгэн оршин суугчдын толгойноос 48мм-ийн хадаас сугалан авсан талаар мэдээллэж байсан. Өвчтөн эр байнга толгой өвдсөн зовиуртай байсан бөгөөд эмч нар түүний тархинд металл зүйлс байгааг тогтоосон билээ.
Ц.Пүрэвдорж
