Мянга мянган тэмцэгчид өнгөрөгч пүрэв гарагаас Бүгд Найрамдах Албани улсын нийслэл Тирана дахь парламентийн ордны гадна Засгийн газраа зохион байгуулалттай гэмт хэрэгт холбогдсон хэмээн огцрохыг шаардан жагсчээ.
Өнгөрөгч долоо хоногт жагсагчид Ерөнхий сайд Эди Рамагийн ажлын байранд дайрах үеэр цагдаа нар нулимс асгаруулагч газ хэрэглэн тарааснаас үүдэн энэ удаагийн тэмцлийг шинэ хэлбэр хэмээн сөрөг хүчнийхэн мэдэгдэж байна. Харин Ерөнхий сайд Рамагийн хувьд албан тушаалаасаа огцрохгүй, мөн дахин сонгууль болохгүй гэдгийг илэрхийлсэн юм.
Пүрэв гарагийн жагсаалаас үүдэн тухайн өдрийн парламентийн үйл ажиллагаа зогсож, парламентийн байрыг өргөст тороор хамгаалан, хэдэн зуун цагдаа үүрэг гүйцэтгэж эхэлсэн байна.
