“АлтанДорнод Монгол”-ын Т.Ганболд Уругвай улсын өргөмжит консулаар өргөмжлөгдлөө

Гадаад харилцааны яамны Консулын газрын захирал Л.Мөнхтүшиг Дорнын Бүгд Найрамдах Уругвай Улсаас Монгол Улсад суух Өргөмжит консул Т.Ганболдод 2019 оны 5 дугаар сарын 24-ний өдөр экзекватурыг нь гардуулан өглөө.
Өргөмжит консулаар томилогдсон Т.Ганболдыг үүрэгт ажилдаа ийнхүү албан ёсоор орж байгаатай нь холбогдуулан ажлын амжилт хүсэв.
Уулзалтын үеэр Монгол, Уругвайн хоёр талын харилцаа, хамтын ажиллагааг хөгжүүлэх, Уругвай улсын хөгжил, хөдөө аж ахуйн салбар дахь арвин туршлагаас Монголд нэвтрүүлэх боломжийн талаар санал солилцсон болно гэж ГХЯ-наас мэдээллээ.
Бүгд Найрамдах Уругвай улсаас Монгол улсад суух Өргөмжит консул Т.Ганболдыг “Алтандорнод Монгол” ХХК-ийн захирал гэдгээр нь бид илүү сайн мэддэг билээ.