Тулгар Төрийн 2228, Их Монгол улсын 813, Ардын хувьсгалын 98 жилийн ойн Үндэсний их баяр наадамд хүчит 512 бөх барилдана. Улсын их баяр наадамд зодоглох бөхчүүдийн бүртгэлийг долдугаар сарын 9-10-ны өдрүүдэд 10:00-18:00 цагийн хооронд Бөхийн өргөөнд хийх юм байна. Бүртгэлд хамрагдахдаа бөхчүүд цолны үнэмлэх, хоёр хувь цээж зурагтайгаа өөрийн биеэр ирж бүртгүүлэх бөгөөд гэнэтийн ослын даатгалд даатгуулсан байх шаардлагатай аж.
Харин Үндэсний их баяр наадамд өсвөрийн 128 бөх барилдах бөгөөд хөвгүүдийг өнөөдөр Монголын хүүхдийн ордонд бүртгэж авна. Өнгөрсөн жил Бөхийн холбооны маргааны улмаас бөхчүүдийн бүртгэлийг Спортын төв ордонд зохион байгуулж байсан билээ.
Хүчит бөхчүүдийн бүртгэлийг өнөөдрөөс эхэлнэ
}
Шинэ мэдээ
