НИТХ-ын дарга асан Ц.Сандуй болон А.Ганбаатар нарын гэм буруутай эсэхийг шүүх хурал Баянгол дүүргийн Эрүүгийн хэргийн анхан шатны шүүхэд өнөөдөр товлогдоод байсан билээ.
Тэднийг “60 тэрбум”-ын гэх хэрэгт яллагдагчаар татаж Нийслэлийн прокурорын газраас 2002 оны Эрүүгийн хуулийн тусгай ангийн 82 дугаар зүйлийн 82.1 дэх хэсэгт зааснаар “Төрийн эрх мэдлийг хууль бусаар авах хуйвалдаан зохион байгуулах” гэмт хэрэгт яллах дүгнэлт үйлдэж шүүхэд ирүүлсэн юм.
Гэвч А.Ганбаатарын өмгөөлөгч Б.Мэргэн, н.Ариунболд, Э.Хашчулуун нарын зүгээс Дундговь аймгийн Захиргааны хэргийн анхан шатны шүүхэд шүүх хуралтай тул энэхүү шүүх хуралдааныг хойшлуулж өгөхийг хүссэн байна.
Шүүх бүрэлдэхүүн уг хүсэлтийг хүлээн авч 10 дугаар сарын 31-ний 08:30 цаг хүртэл хойшлуулах шийдвэр гаргажээ.
Ц.Сандуй, А.Ганбаатар нарыг шүүх хуралдаан өмгөөлөгчийн хүсэлтээр хойшиллоо
}
Шинэ мэдээ
