Салицилийн хүчлээр батгаа эмчлэх нь

 

Батганы эсрэг бүх төрлийн бүтээгдэхүүнд салицилийн хүчилийг агуулсан байдаг. Энэ нь бүх төрлийн батгатай арьсыг эмчилдэг бөгөөд хар батга, бага үрэвсэлтэй батга зэрэгт хамгийн сайн үйлчилдэг байна. 

Салицилийн хүчлийн үйлчлэл

Энэ бета-гидроксийн хүчил нь маш үр дүнтэй бөгөөд, хүчтэй бодис юм. Энэ хүчил нь арьсны нүхний доторхыг гуужуулснаар нүхийг цэвэрхэн болгодог. Салицилийн хүчил нь аспирины төрлийн бодис бөгөөд үрэсвлийн эсрэг үйлчилгээтэй учраас гликолын хүчилээс илүү сайн гэж эмч нар үздэг. Цагаан болон хар толгойт батгыг задалж, тосны булчирхайн уутанцарыг бүрдүүлдэг эсийн гуужилтыг удаашруулах ба үрэвсэл, шархлаа, хавдалтыг эдгээдэг. Мөн арьсны гуужилтыг хялбаржуулж, нүхийг бөглөрөхөөс сэргийлэхийн зэрэгцээ шинэ эс нөхөн үржих боломжыг олгодог. Ихэнхдээ хаг арилгах зорилгоор шампуньд нэмж хэрэглэдэг.

Мөн салицилийн хүчил нь тослогыг багасгаж үрэвслийг бууруулна. 

Салицилийн хүчилтэй бүтээгдэхүүнүүд

Цэвэрлэгч, тоник, тос гээд салицилийн хүчил нь гоо сайхны бүх төрлийн бүтээгдэхүүнд орсон байдаг ба найрлага нь 5%- 2%-тай байдаг .

Энгийн салицилийн хүчил агуулсан бүтээгдэхүүнүүд нь хар батга болон хөнгөн батганд тохиромжтой. Харин хүнд хэлбэрийн батганд төдийлөн нөлөөлөхгүй. Ямар ч бүтээгдэхүүн хэрэглэсэн бүхий л нүүрэндээ түрхэж эсвэл биеийнхээ батгатай хэсэгт түрхэж байгаарай. Ганцхан үрэвсэлтэй хэсэгтээ түрхээд үр дүнгээ өгөхгүй. 

Салицилийн хүчил агуулсан мэргэжлийн эмчилгээ

Салицилийн хүчил нь химийн гуужуулагчаар хэрэглэгддэг бөгөөд энэ нь ердийн зах зээл дээр зарагддаг бүтээгдэхүүнээс хүчтэй байдаг ба найрлагандаа 20%- 30% салицилийн хүчил агуулдаг байна.

Ийм их хувийн найрлагатай гуужуулагчийг хүнд хэлбэрийн батгыг эмчлэхэд хэрэглэдэг.  Бүх төрлийн арьсанд тохиромжтой ба нимгэн нөсөө толбыг ч гэсэн арилгана. 

Ийм төрлийн гуужуулагчийг та гэртээ хийж болохгүй. Гоо сайхны газруудаар л ийм төрлийн үйлчилгээ үзүүлдэг. 

Үр дүнд хүрэхийн тулд нэгээс илүү удаа арьсаа гуужуулах шаардлагатай. Мөн салицилийн хүчлээр гуужуулах эмчилгээг дангаар нь хийдэггүй өөр нэг батганы эмчилгээтэй хавсран хийдэг байна. 

Салицилийн хүчлийн сөрөг нөлөө

Салицилийн хүчил нь хамгийн сөрөг нөлөө багатай химийн хүчил бөгөөд ихэнх хүмүүст ямар ч асуудал байхгүй. Байж болох сөрөг талуудыг дурьдвал хуурайших, гуужих, загатнах. Харин энэ бүхнээс өдөр бүр oil-free чийгшүүлэгч тос түрхсэнээр ангижирч болно.

Зарим тохиолдолд арьс хорсгож, цочроож харшил өгдөг. Хэрвээ ямар нэгэн ноцтой сөрөг нөлөө ажиглагдвал арьс өнгөний эмчид үзүүлээрэй.