Барон Унгерний гараар бичсэн нэг захидлыг сонирхуулья даа.
Барон Унгерн энэ захидлыг 1918 оны сүүлээр Павел Петрович Малиновски гэж тэр үед Манжуурт амьдарч, Манжуурын төмөр замд ажиллаж байсан хүнд бичиж байжээ.
П.П.Малиновски нь бас сонин түүхтэй хүн.
Захаас нь дурдвал тэрээр Оросын Засгийн газрын байгууллагад ажиллаж байгаад мөнгө шамшигдуулсан хэргээр яль сонсож Сибирьт цөлөгдөж. 1911 оны оны Үндэсний эрх чөлөөний хувьсгалын дараа Оросоос авсан цэргийн тусламжийн ажлаар Хүрээнд ирж, их бууны сургагч хийж байж.
Оросын дипломатч Коростовецийн “Чингис хаанаас Зөвлөлтийн дагуул хүртэлх зам” номд дурдсанаар тэрээр Хүрээн дэх, одооны Төрийн ордны зүүн талд баыгаа хэвлэлийн үйлдвэрийг удирдаж байж. Малиновски Богд хаанд их ойрхон байсан, монголчууд түүнд ам сайтай байсан талаар уг номд дурдсан байгаа. Богдын зарлигаар гүн цол хүртэж бсан. Манай түүхчид судалдаг л байх. Сүүлд Манжуураас Франц руу дүрвэж, Ницца-д байхдаа амиа хорлосон гэдэг.
Монголтой холбоотой асуудлыг хөндсөн Барон Унгерний хэд хэдэн захидал байдаг. Түүхчид сонирхон судалвал зүгээр дээ.
