“COVID-19” вирусийн халдвар манай оронд төдийгүй дэлхий нийтэд тархаж, түгшүүр түрүүлж буй энэ цагт сэтгэлийн амар амгалан байдлаа хэрхэн тогтвортой байлгах талаар бясалгалын багш Д.Гантөгстэй ярилцсаныг хүргэе.
Холбогдох мэргэжлийн байгууллагуудаас өвчлөлийг хянаж байгаа тухай мэдээлэлийг цаг тухай бүрт өгч байгаа ч иргэд янз бүрийн сөрөг мэдээлэл түгээж буй нь стресст өртөмтгий байгааг харуулж байна.
Стресст ороход дөрвөн хүчин зүйл нөлөөлнө. Үүнд:
Хоол
Нойр
Амьсгал
Бодол
Амар амгалан байхад амьсгал их чухал. Хүн таван мэдрэхгүйгээрээ дамжуулан сэтгэлдээ нөлөөлж байдаг.
Тухайлбал, хэтэрхий их магтах эсвэл гомдох зэрэг сэтгэлийн хөдөлгөөн их байх тусам стресст өртөх магадлал нэмэгддэг. Энэ цагт нэг нэгнийгээ шүүмжлэх, буруутгах нь нийтийн стрессийг үүсгэж буй юм.
Энэ нь хувь хүний бухимдлаас үүсэж байгаа тул эерэг хандлагатай байх чухал бөгөөд үүнд дадал хэрэгтэй. Хөл хорио нь хүссэн ч хүсээгүй ч хүнийг идэвхгүй хэв маягт оруулдаг.
Энэ нь сэтгэлийг тогтворгүй болгох нэг нөхцөл үүсэж буй юм. Хүний сэтгэлзүй хөдөлгөөнд орох эсвэл хөдөлгөөнийг хязгаарлах үед гажаад, өөр үйлдэл хийж эхэлдэг аж. Үүнээс гарах хамгийн энгийн арга нь амьсгалын дасгал, зөв бодох буюу бясалгал юм.
Гэрээсээ гарахгүй байхыг анхааруулж буй энэ үед шинэ зүйл сурах, өөрийгөө дайчлах зэргээр аль болох идэвхтэй байх аргуудаас суралцах хэрэгтэй. Тухайлбал, зөв амьсгалах энгийн дасгалуудыг онлайнаар үзэж, давтаж болно.
Гэр болон байгаа оршиндоо амьсгалаа ажигла. Мөн цөөхөн хормыг өөртөө зарцуулан амьсгалаа гүнзгий аван, түгжээд гаргах хэрэгтэй. Энэ үйлдлийг хэдэнтээ давтахад сэтгэлийн түгшүүр багасдаг аж.
Эх сурвалж: Эрүүл мэндийн яам
