Улсын онцгой комиссын хуралдаанаар хэлэлцсэн зарим асуудлаар УОК-ын гишүүн, Батлан хамгаалахын сайд Н.Энхболд мэдээлэл өглөө.
Батлан хамгаалахын сайд Н.Энхболд: УОК-ын хуралдаанаар цэрэг татлагын асуудлыг хэлэлцлээ.
2020 оны цэрэг татлагыг тавдугаар сард багтаан явуулна. Хилийн боомтуудтай, халдвар зөвөөрлөгдөн орж ирсэн Сэлэнгэ, Дорноговь, Баян-Өлгий, Улаанбаатар хотод цэцэг татлага явуулахгүй, эдгээр бүс нутгаас цэрэг татахгүй. Зайлшгүй шаардлагаар хилийн цэрэгтэй холбоотойгоор хүч нэмэгдүүлэх шаардлага үүсэх магадлалтай.
Тиймээс хилийн цэрэг, зэвсэгт тусгай ангид цэрэг татна, бусад цэргийн нэгтгэлийн ангид хугацаат цэргийн албан хаагч татахгүй байх шийдвэр гарч байна. Тухайлан анги нэгтгэл дээр зайлшгүй шаардлагатай цэргийг нөхөн татах ажил хийгдэнэ. Уг ажлыг өндөржүүлсэн бэлэн байдалд тавигдсан нөхцөлд тохируулан нэг дор 5-аас дээш хүн цуглуулахгүйгээр цэргийн бүртгэлийг хийх, урьдчилан шалгах, эмнэлгийн үзлэгт оруулж, ачих тээвэрлэх ажлыг нарийн зохион байгуулахаар боллоо. Мөн энэ жил Оюутан цэрэг хөтөлбөрийг хэрэгжүүлэхгүй” гэлээ.
