Бусдыг эрүүдэн шүүгч МАНАН бүлэглэлийн гүйцэтгэгч Б.Хурцын өмгөөлөгч гэж өөрийгөө сурталчлаад яваа Г.Батбаяр гэх хүн бий. Яг үнэндээ Б.Хурц түүнийг тоож ч шиншлэхгүй…
Харин Б.Хурцтай хамт шалгагдаж байгаа н.Баяр гэх нөхрийг Г.Батбаяр өмгөөлж байгаа нэртэй өөрийгөө энд тэнд сурталчлаад яваад байх шиг байна. Одоо Г.Батбаяраас нийгэм залхаж байна даа. Тэр үйлчлүүлэгчээ бус генерал Б.Хурцыг дагаж салбаганаад байгааг нь анзаарсан уу. Болж өгвөл Б.Хурцтай хамт камерын дуранд өртчих гээд гүйгээд байгаа биз.
Энэ чинь л Г.Батбаяр гэгч этгээдийн хуурмаг, зальжин зан чанарын илэрхийлэл юм.
Телевизүүд түүнийг нэг их онцолж ирээд яриа аваад байгаа юм биш. Тэр өөрөө л гүйж ирээд чухал царайлж байгаад Б.Хурц тухай сүрхий сүрхий хариулт өгөөд байгаа боловч Б.Хурц нь Г.Батбаярт ямарч хамааралгүй этгээд болж таарч байна. Г.Батбаяр бол ингэж л худал хуурмагаар өөрийгөө сурталчилж, олны анхааралд байх дуртай хүн гэдгийг нь ээ мөн ч олон удаа бичиж байлаа даа.
Тэгвэл Г.Батбаяр гэгч энэ зальжин этгээд Х.Мандахбаяр, Б.Даваа, Ц.Батмөнх нарын бас л худал хуурмагаар амьдардаг хэсэг хүнтэй нэгдэж С.Амарсайханыг хотын дарга болохын өмнөх нь олон нийтийн сүлжээнд гүтгэлэг тарааж байв. Олигтой ч юм биш дээ. Хүний удам судрыг гутаан доромжилсон тэдний энэ үйлдлийг хуулийн байгууллага шалган тогтоож, хариуцлага хүлээлгэхээр ажиллаж байгаа тухайгаа ч мэдэгдсэн байдаг. Тагнуулын Ерөнхий газраас илрүүлсэн албан бичгийг хүргэж байна.
Ингэж хүн гүтгэн доромжилсон учраас Монголын хуульчдын холбоо Г.Батбаярт ёс зүйн хариуцлага тооцож, өмгөөллийн үйлчилгээ үзүүлэх эрхийг нь хассан байдаг юм. Гэвч тэрээр хариуцлага хүлээхийн оронд шүүхэд гомдол гаргасан хэдий ч шүүх Монголын хуульчдын холбооны шийдвэрийг хэвээр үлдээж, ёс зүйн доголдолтой Г.Батбаярын өмгөөлөл үзүүлэх эрхийг хоёр дахь удаагаа хассан нь энэ юм.
Ингэж Г.Батбаяр эрхээ хасуулснаас болоод өчигдөр Б.Хурц нарыг шүүх ёстой байсан хурлыг хүртэл хойшлуулж, шүүхийн үйл ажиллагаанд саад учрууллаа. Тодруулбал, нэгэнтээ өмгөөлөл үзүүлэх эрхгүй болсон этгээд шүүх хуралд оролцож болохгүй. Тиймээс шүүгдэгч н.Баяр нь дахин өмгөөлөгч авах хүсэлтээ шүүхэд гаргаснаар шүүх хурал хойшилсон гэдгийг эх сурвалж мэдээлж байна.
Г.Батбаяр бол ийм л яршиг төвөг удсан худал хуурмаг этгээд юм. Өмгөөлөгч байхдаа ажил мэргэжлээ ашиглан бусдыг дарамталж, сүрдүүлж, бүр олон нийтийн газар эмэгтэй хүнд хүртэл гар хүрч байгаа бичлэг нь сошиалд цацагдсан байсан.
Ийм л ёс зүйн доголдолтой этгээд өнөөдөр хуулийн салбарын нэр хүндийг унагасаар байна.
