![\"\"](http://undesten.mn/uploads/posts/2016-09/1473986889_-06052016-1462502992-1054500125-184495-06052016-1462499364-1178436721-nomiin_bayar.jpg "\\"\\"")
\”Ulaanbaatar book fair 2016” олон улсын номын баяр маргааш Сүхбаатарын нэрэмжит талбайд эхэлнэ. Номын баяр хоёр өдөр үргэлжлэх бөгөөд энэ өдрүүдэд олон улсын соёлын үзэсгэлэн, \”Ном яръя, кофе ууя”, \”Уншлагын баяр”, дэлхийн өнцөг булан бүрээс ирсэн хүүхдүүдтэй уулзах, ахмад зохиолчдын хүндэтгэлийн арга хэмжээ, зохиолын дүрийн тоглолт, номын үзэсгэлэн худалдаа, хүүхдийн зургийн уралдаан, номын шагналтай тэмцээн уралдаан болох юм.
Мөн ном хэвлэлийн байгууллагууд номоо 20-50 хувийн хямдралтай худалдах юм байна. Түүнчлэн олон улсын номын баярт Улаанбаатар хотын номын сангууд, Монгол Улсад суух Элчин сайдын яамд, ном эрхлэн гаргагч байгууллагууд, зохиолч орчуулагч, уран бүтээлчид, их дээд сургуулийн төлөөлөл, төрийн болон төрийн бус байгууллагууд оролцоно. Мөн та энэ өдрүүдэд хүндэтгэдэг, хайрладаг зохиолчидтойгоо уулзан худалдан авсан ном дээрээ гарын үсэг зуруулан авах боломжтой.
