Чингэлтэй дүүргийн Эрүүгийн хэргийн анхан шатны шүүхээс Н.Номтойбаярт таван жил таван сар, Б.Шижиржаргалд дөрөв, Б.Нямдаваад гурван жил хорих ял оноосон бол М.Нямдэмбэрэл, Д.Батмөнх, Н.Ууганбаяр нарыг 15 сая, Н.Баттөгсийг 10 сая төгрөгөөр торгох ял шийтгэв.
Тодруулбал, шүүгдэгч Н.Алтансувдад Эрүүгийн хуулийн ерөнхий ангийн 3.1.1, 3.5.1 дэх хэсэгт заасныг тус тус журамлан мөн хуулийн тусгай ангийн 22.1.3-т зааснаар яллах дүгнэлт үйлдэж ирүүлсэн хэргийг хэрэгсэхгүй болгож шийдвэрлэлээ.
Харин,
Н.Номтойбаярт Эрүүгийн хуулийн ерөнхий ангийн 3.1.1, 3.3.1 дэх хэсэгт заасныг тус тус журамлан мөн хуулийн тусгай ангийн 22.1.3-т зааснаар нийтийн албанд томилогдох эрхийг таван жилийн хугацаатай хасаж 5 жил 5 сар хорих ял,
Б.Нямдаваад Эрүүгийн хуулийн ерөнхий ангийн 3.1.1, 3.2.1 дэх хэсэгт заасныг тус тус журамлан мөн хуулийн тусгай ангийн 22.1.3-т зааснаар нийтийн албанд томилогдох эрхийг таван жил хүртэлх хугацаагаар хасаж гурван жил хорих ял,
Б.Шижиржаргалд Эрүүгийн хуулийн ерөнхий ангийн 3.1.1, 3.2.1 дэх хэсэгт заасныг тус тус журамлан мөн хуулийн тусгай ангийн 22.1.3-т зааснаар нийтийн албанд томилогдох эрхийг таван жил хүртэлх хугацаагаар хасаж дөрвөн жил хорих ял,
Н.Баттөгст Эрүүгийн хуулийн ерөнхий ангийн 3.1.1, 3.2.1 дэх хэсэгт заасныг тус тус журамлан мөн хуулийн тусгай ангийн 22.1.3-т зааснаар нийтийн албанд томилогдох эрхийг таван жил хүртэлх хугацаагаар хасаж 10 сая төгрөгөөр торгож, ялыг гурван жилийн хугацаанд хэсэгчлэн төлөхөөр,
Д.Батмөнх, Н.Ууганбаяр, М.Нямдэмбэрэл нарт Эрүүгийн хуулийн ерөнхий ангийн 3.1.1, 3.5.1 дэх хэсэгт заасныг тус тус журамлан мөн хуулийн тусгай ангийн 22.1.3-т зааснаар нийтийн албанд томилогдох эрхийг таван жил хүртэлх хугацаагаар хасаж 15 сая төгрөгөөр торгож, ялыг гурван жилийн хугацаанд хэсэгчлэн төлөхөөр тус тус шийдвэрлэв.
Мөн Н.Номтойбаяр, Б.Нямдаваа, Б.Шижиржаргал нарт оногдуулсан хорих ялыг тус бүр нээлттэй хорих байгууллагад эдлүүлэхээр болов.
