Худалдаа хөгжлийн банкны ТУЗ, Улаанбаатар хотын банкны захирал сахал хочит Д.Эрдэнэбилэгт алдчихаад байсан Улаанбаатар хотын төв талбайн өмнөх газрыг хот эргүүлэн авч, бүтээн байгуулалт өрнүүлэх болтол хэсэг хүмүүс гарч ирээд эсэргүүцэж, элдэв юм болсон доо. Тэдний нэг нь “утаагаар хөлжигч” хоч аваад буй сэтгүүлч Ц.Пүрэвхүү юм. Тэрээр тухайн үедээ “зүгээр байгаа талбайд бүтээн байгуулалт өрнүүлэх нэрээр мөнгө угааж байна. Тэр мөнгөө гэр хороолол руу зарцуулаач” гэх утгатай зүйлс ярьж эсэргүүцэж байсан санагдаж байна. Яг гол эсэргүүцлийн шаардлагыг нь одоо сайн санахгүй байна л даа. Гэхдээ л АН-ын дарга асан С.Эрдэнээгийн хүүтэй нийлж байгаад нэлээд шоудсан юмдаг. Дараа нь УИХ-ын сонгуульд хүртэл нэр дэвшсэн гэхээр овоо ашигтай эсэргүүцлийн хөдөлгөөн хийсэн юм уу гэж тухайн үед хардаж байв.
Гэтэл энэ бүх эсэргүүцлийн цаана ийм тайлал байжээ.
Цахим хуудаснаа сэтгүүлч Ц.Пүрэвхүү найзууддаа баярлаж байгаагаа илэрхийлсэн энэхүү жиргээ одоо сайн түгэж, цацагдлаа. Үнэхээр мундаг найзуудтай юм аа гэж харахаас илүүтэйгээр “Надад тусалж, дэмждэг ХХБ-ны ТУЗ-ийн хамт олон” гэдэг үг ихэд анхаарал татлаа. ХХБ гэдэг нь Д.Эрдэнэбилэг. Д.Эрдэнэбилэг гэдэг бол Сүхбаатарын талбайн өмнөх хууль бусаар хувьчилж авсан цэцэрлэгт хүрээлэнгийн асуудал юм. Өөрөөр хэлбэл Д.Эрдэнэбилэг алдсан газраа эргүүлэн олж авахаар юу эсийг хийлээ дээ. Тэдгээр үйл ажиллагаануудынх нь нэг Ц.Пүрэвхүү нарын эсэргүүцлийн жагсаал байжээ гэж хардахад хүргэж байна.
Наанаа гэр хорооллын иргэдийн нэр барьж жагсаж байгаа боловч, цаад талд нь ХХБ-ны эрх ашиг л хөндөгдөж байж шүү дээ. Үргэлж тусалж, дэмждэг ХХБ-ны ТУЗ-ийн хамт олонд ганц удаа ч болов тус болох нь найзын мөн чанар мөн үү… Харин найз мөн чанараа харуулахын тулд гэр хорооллын иргэдийн нэр мөн ч сайн ашиглаж, бүр зарим айлын баастай нойлыг хүртэл ашигласан байдаг даа. Даанч цаад зорилго нь явцуу эрх ашгийн төлөө байсан учраас хэт хэлбийлгүйгээр намжсан байдаг юм. Ийм явуургүй, хоёр алхалгүй баригдсан улс төржилтөөс одоо зайгаа барих цаг болсон шүү, нэрээ ашиглуулдаг иргэд минь. Мөн энэ их эсэргүүцэлтэй тулгарсан ч өнөөдөр нийслэлчүүдийн хамгийн ихээр цугладаг газрыг бий болгож чадсан ТҮК-ийнхан, хотын удирдлагууд, хотын дарга асан С.Амарсайхан танд баярлалаа…
….энэ нийгэм чинь хаашаа яваад байгаан бэ? Нөгөө ардчилалсан нийгэм гэгч нь ийм байдаг юм уу?
Дээрхи хүүхэн ямар аймар нөлөөтэй шатрын цодгор хүү вэ….
– аймар аймар