БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И энэ сарын 15-16 өдрүүдэд Монгол Улсад ажлын айлчлал хийсэн.
Айлчлалын хүрээнд тэрээр Монгол Улсын Гадаад харилцааны сайд Н.Энхтайвантай албан ёсны хэлэлцээр хийж зарим баримт бичгүүдэд гарын үсэг зурж, баталгаажуулсан юм. Үүний дараа Хятадын Гадаад хэргийн сайд Монгол Улсын Ерөнхийлөгч болон Ерөнхий сайдад бараалхаж Монгол-Хятадын харилцаа, хамтын ажиллагаа, эдийн засаг болон худалдааг хөгжүүлэх асуудлаар санал солилцсон.
Тэгвэл дэлхийн хэвлэлүүд Ван И-гийн айлчлалыг Бээжингийн эрх баригчдын хэрэгжүүлж буй бодлогын улмаас Өвөр Монголчуудын эх хэлээрээ суралцах эрх зөрчигдөж байгаа явдлыг эсэргүүцсэн тайван жагсаалаар угтан авсан талаар онцолсон юм.
Ройтерс агентлаг Өвөр Монголд үүссэн асуудлаар Монгол Улсын Засгийн газар одоог хүртэл ямар нэгэн албан ёсны байр суурь илэрхийлээгүй болохыг дурдсан. Мөн БНХАУ-аас Монгол Улсад суух Элчин сайд Цай Веньруй ярилцлага өгөх үеэрээ “Хэдий Хятад улс нүүрсний илүүдэлд ороод байгаа ч Монголын ашиг сонирхлыг харгалзан нүүрс авсаар байна” гэснийг иш татсан байна.
Харин Хонконгийн “South China Morning Post” сонин айлчлалын хүрээнд болсон Гадаад хэргийн сайд нарын уулзалтын үеэр Ван И “Хоёр улс цаашид хэн хэнийхээ бүрэн эрхт тусгаар тогтносон байдлыг харилцан хүндэтгэж, бие биеийнхээ дотоод хэрэгт хөндлөнгөөс оролцохоос зайлсхийх хэрэгтэй” гэж хэлснийг онцолжээ. Харин Монгол Улсын Гадаад харилцааны яамнаас гаргасан албан ёсны мэдэгдэлд хоёр улс нэг нэгнийхээ дотоод асуудалд харилцан хүндэтгэлтэй хандах талаар огт дурдаагүй болохыг цохон тэмдэглэжээ.
Үүний дээр Японы “Mainichi Shimbun”, Хонконгийн “Asian Times” болон Малайзын “The Star” тэргүүтэй томоохон хэвлэлүүдэд Ван И-гийн айлчлалтай холбоотойгоор Өвөр Монголын асуудал дээр төвлөрсөн юм. Өөрөөр хэлбэл дэлхий нийт Өвөр Монголын асуудалд Монгол Улс ямар байр суурь илэрхийлэх вэ гэдэгт маш их ач холбогдол өгч, энэхүү айлчлалыг анхаарсан ч Монгол Улсын талаас ямар нэгэн байр суурь илэрхийлсэнгүй. Тусгаар тогтносон улс орнууд бие биеийнхээ дотоод хэрэгт оролцох нь дипломат ёсонд хазгай, Монгол Улс хоёр хөршийнхөө хажууд жижиг улс гэдэг нь үнэн. Гэхдээ дотоод хэрэгт нь оролцохгүйгээр монгол үндэстнийхээ бичиг соёлыг хамгаалах, хадгалах тал дээр Монгол Улс байр суурь илэрхийлсэнгүй, дипломат ур чадвар гаргасангүй гэх зэргээр бичжээ.
манай засгийн газар дипломат ур чадвартай байсан нь туух болоод улдсэн ш дээ. одоо бол зовхон энэ ч биш олон асуудал дээр ур чадваргуйчууд л засаг барьж, удор хоногийг аргацаан онгороож бгаа ш дээ.
манай засгийн газар дипломат ур чадвартай байсан нь туух болоод улдсэн ш дээ. одоо бол зовхон энэ ч биш олон асуудал дээр ур чадваргуйчууд л засаг барьж, удор хоногийг аргацаан онгороож бгаа ш дээ.
estoi huzaj baigaan muusain hutgan uimyylegchid mongol harinch ur chadvar saitai uls shyy